ഡെൽഹിക്കെതിരെ കൊല്‍ക്കത്തയ്ക്ക് 7 വിക്കറ്റ് ജയം

കൊല്‍ക്കത്ത: ഗൗതം ഗംഭീര്‍ നയിച്ച മത്സരത്തില്‍ കൊല്‍ക്കത്ത നൈറ്റ് റൈഡേഴ്സിന് ഡല്‍ഹി ഡെയര്‍ഡെവിള്‍സിനെതിരെ ഏഴു വിക്കറ്റ് വിജയം. 22 പന്ത് ബാക്കി നില്‍ക്കെയാണ് കൊല്‍ത്തത്ത ഡല്‍ഹിയുയര്‍ത്തിയ 161 റണ്‍സ് വിജയലക്ഷ്യം മറികടന്നത്. 52 പന്തില്‍ 71 റണ്‍സുമായി ഗംഭീര്‍ പുറത്താകാതെ നിന്നു. 11 ഫോറിന്റെ അകമ്പടിയോടെയായിരുന്നു ഗംഭീറിന്റെ ഇന്നിങ്സ്. ഇതോടെ ഐ.പി.എല്ലില്‍ ഗംഭീര്‍ 4000 റണ്‍സ് പിന്നിട്ടു.

രണ്ടാം വിക്കറ്റില്‍ ഗംഭീറും ഉത്തപ്പയും ചേര്‍ന്നുണ്ടാക്കിയ സെഞ്ചുറി കൂട്ടുകെട്ടാണ് കൊല്‍ക്കത്തയുടെ വിജയത്തില്‍ നിര്‍ണായകമായത്. ഉത്തപ്പ 33 പന്തില്‍ അഞ്ചു ഫോറിന്റെയും നാല് സിക്സിന്റെയും അകമ്പടിയോടെ 59 റണ്‍സ് നേടി. നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഡല്‍ഹി മലയാളി താരം സഞ്ജു വി സാംസണിന്റെ മികവിലാണ് 160 റണ്‍സടിച്ചത്. 38 പന്തില്‍ നാല് ഫോറിന്റെയും മൂന്ന് സിക്സിന്റെയും സഹായത്തോടെ 60 റണ്‍സടിച്ച സഞ്ജു ഡല്‍ഹി ഇന്നിങ്സിന് അടിത്തറ നല്‍കിയിരുന്നു.

IPL 2017:
Gautam Gambhir, Robin Uthappa demolish Delhi in Kolkata's seventh win