ന്യൂഡൽഹി: 2015ൽ പേസർ സഹീർ ഖാൻ ക്രിക്കറ്റ് ലോകത്ത് നിന്ന് വിടപറഞ്ഞതിന് ശേഷം ഇന്ത്യ മികച്ച ഒരു ലെഫ്റ്റ് ആം പേസർക്കായി കാത്തിരിക്കുന്നുണ്ട്. ഈയടുത്ത് വരെയും ഇന്ത്യൻ ടീമിൽ മികച്ച ഒരു ലെഫ്റ്റ് ആം പേസറുടെ അസാന്നിധ്യം ഉണ്ടായിരുന്നു. എന്നാൽ ഖലീൽ അഹമ്മദ് എത്തിയതോടെ ആ കാത്തിരിപ്പിന് വിരാമമായെന്ന് കരുതിയവരുണ്ട്.
എന്നാൽ ഇപ്പോൾ നടന്നു കൊണ്ടിരിക്കുന്ന ബംഗ്ലാദേശ് പര്യടനത്തിൽ ഖലീൽ നിറം മങ്ങിയ പ്രകടനമാണ് കാഴ്ച വെക്കുന്നത്. ഒന്നാം ടി20യിൽ 37 റൺസ് വഴങ്ങി 1 വിക്കറ്റും രണ്ടാം ടി20യിൽ 44 റൺസ് വഴങ്ങിയ 1 വിക്കറ്റുമാണ് അദ്ദേഹം വഴങ്ങിയത്. ന്യൂഡൽഹിയിൽ നിർണായകമായ 19ാം ഓവർ എറിഞ്ഞ ഖലീൽ നാല് ഫോറുകൾ വഴങ്ങി മത്സരം പരാജയമാവുന്നതിനും കാരണക്കാരനായി.
Also Read: ടി20 ലോകകപ്പിൻെറ സെമിഫൈനലിസ്റ്റുകൾ ആരെല്ലാം ? ഗിൽക്രിസ്റ്റിൻെറ പ്രവചനം ഇങ്ങനെ!
ഏതായാലും ഖലീൽ അഹമ്മദ് തനിക്ക് ലഭിക്കുന്ന അവസരങ്ങൾ കളഞ്ഞ് കുളിക്കുകയാണെന്നാണ് മുൻ ഇന്ത്യൻ ക്രിക്കറ്റർ ക്രിസ് ശ്രീകാന്തിൻെറ അഭിപ്രായം. "ഖലീൽ അഹമ്മദ് ടീമിന് യോജിക്കാത്ത പ്ലെയർ ആണ് ഈ ഘട്ടത്തിൽ. ഇനിയും പ്രതീക്ഷയ്ക്ക് വകയുണ്ട്, പക്ഷേ അയാൾ കാര്യങ്ങൾ പെട്ടെന്ന് പഠിക്കണം," ശ്രീകാന്ത് ടൈംസ് ഓഫ് ഇന്ത്യയിൽ എഴുതിയ കോളത്തിൽ അഭിപ്രായപ്പെട്ടു.
Also Read: അയോധ്യവിധിയിൽ മുഹമ്മദ് കൈഫിൻെറ പ്രതികരണം; കയ്യടിച്ച് സോഷ്യൽ മീഡിയ!!