​ഹാ‍ർദിക് പാണ്ഡ്യയെ പുകഴ്ത്തി മുൻ ദക്ഷിണാഫ്രിക്കൻ താരം

കേപ് ടൗൺ: ഇന്ത്യൻ ഓൾ റൗണ്ടർ ഹാ‍ർദിക് പാണ്ഡ്യയെ പുകഴ്ത്തി മുൻ ദക്ഷിണാഫ്രിക്കൻ താരം ലാൻസ് ക്ലൂസ്‍ന‍ർ. ഇന്ത്യൻ ടീമിൽ മികച്ച പ്രതിഭയായി വളരാൻ ശേഷിയുള്ള താരമാണ് പാണ്ഡ്യ. ദക്ഷിണാഫ്രിക്കക്കെതിരെ അദ്ദേഹം നടത്തിയത് അഭിനന്ദനീയമായ പ്രകടനമാണെന്നും ക്ലൂസ്‍ന‍ർ പറഞ്ഞു.

കേപ് ടൗൺ ടെസ്റ്റിൽ ഇന്ത്യക്കായി ഏറ്റവും നന്നായി ബാറ്റ് ചെയ്തത് പാണ്ഡ്യയാണ്. ബൗളിങിലും അദ്ദേഹം മോശമാക്കിയില്ല. ഇന്ത്യയുടെ പേരു കേട്ട ബാറ്റിങ് നിര ചീട്ടുകൊട്ടാരം പോലെ തക‍ർന്നപ്പോൾ 95 പന്തിൽ നിന്ന് 93 റൺസ് നേടിയ പാണ്ഡ്യ മാത്രമാണ് പിടിച്ച് നിന്നത്.

"സമ്മർദ്ദങ്ങളെ അതിജീവിച്ചാണ് പാണ്ഡ്യ കളിച്ചത്. ദക്ഷിണാഫ്രിക്കക്കെതിരായ അദ്ദേഹത്തിൻെറ ബാറ്റിങ് പ്രകടനം മികച്ചതായിരുന്നു. ഓരോ മത്സരത്തിലും പുരോഗമിച്ച് കൊണ്ടിരിക്കുകയാണ് പാണ്ഡ്യ." ക്ലൂസ്‍ന‍ർ പറഞ്ഞു.