ക്രിക്കറ്റ് ഇതിഹാസം കപിൽ ദേവിന് ഹൃദയാഘാതം; ആശുപത്രിയിൽ ചികിത്സയിൽ

ഇന്ത്യൻ ക്രിക്കറ്റ് ഇതിഹാസം കപിൽ ദേവിനെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചു. അദ്ദേഹത്തിന് ആൻജിയോപ്ലാസ്റ്റി ചെയ്തെന്നാണ് റിപ്പോർട്ട്. കപിലിൻെറ ആരോഗ്യസ്ഥിതിയുമായി ബന്ധപ്പെട്ട് കൂടുതൽ റിപ്പോർട്ടുകൾ പുറത്ത് വന്നിട്ടില്ല. മാധ്യമപ്രവർത്തകയായ ടീന താക്കറാണ് ട്വിറ്ററിലൂടെ വാർത്ത പുറത്തുവിട്ടത്.


ഡൽഹിയിലെ ആശുപത്രിയിലാണ് താരത്തെ പ്രവേശിപ്പിച്ചിരിക്കുന്നത്. കൊവിഡ് കാലത്തിന് തൊട്ട് മുമ്പ് വരെ കപിൽ ദേവ് എല്ലാ മേഖലകളിലും സജീവമായിരുന്നു. താരം എത്രയും പെട്ടെന്ന് ആരോഗ്യസ്ഥിതി വീണ്ടെടുത്ത് തിരികെവരട്ടെയെന്ന് ഗൌതം ഗംഭീർ, അനിൽ കുംബ്ലെ, സുരേഷ് റെയ്ന തുടങ്ങിയ പ്രമുഖ ക്രിക്കറ്റ് താരങ്ങൾ ട്വീറ്റ് ചെയ്തു.

Also Read: വാര്‍ണറുടെ ആ തീരുമാനം സണ്‍റൈസേഴ്‌സിനെ ജയിപ്പിച്ചു, കളിച്ചില്ലെങ്കില്‍ പണികിട്ടുമായിരുന്നെന്ന് ഒരു താരം!!




ഇന്ത്യയെ ആദ്യമായി ലോകകപ്പ് വിജയത്തിലേക്ക് നയിച്ച ക്യാപ്റ്റനാണ് കപിൽ ദേവ്. 1983ലാണ് കപിലിൻെറ നേതൃത്വത്തിലുള്ള ടീം ഫൈനലിൽ വെസ്റ്റ് ഇൻഡീസിനെ തോൽപ്പിച്ച് കിരീടം നേടിയത്. കപിലിൻെറ ചെകുത്താൻമാർ എന്നാണ് ലോകകപ്പ് നേടിയ ടീമിനെ വിശേഷിപ്പിക്കാറുള്ളത്.