India Vs England: ലോർഡ്‍സ് ടെസ്റ്റിൽ ഇന്ത്യക്ക് ബാറ്റിങ്

ലോർഡ്‍സ്: മഴ മാറിയതോടെ ഇന്ത്യയും ഇംഗ്ലണ്ടും തമ്മിലുള്ള രണ്ടാം ക്രിക്കറ്റ് ടെസ്റ്റിന് ലോർഡ്‍സിൽ രണ്ടാം ദിനം തുടക്കമായി. ടോസ് നേടിയ ഇംഗ്ലണ്ട് ആദ്യം ബോളിങ് തെരഞ്ഞെടുത്തു. ഇന്ത്യ ആദ്യം ബാറ്റ് ചെയ്യും. മഴ കാരണം ആദ്യ ദിവസത്തെ കളി ഉപേക്ഷിച്ചിരുന്നു.

രണ്ട് മാറ്റങ്ങളുമായാണ് ഇന്ത്യ ഇന്നിറങ്ങുന്നത്. ഓപ്പണർ ശിഖർ ധവാന് പകരം ചേതേശ്വർ പൂജാരയെ ടീമിൽ ഉൾപ്പെടുത്തിയിട്ടുണ്ട്. അശ്വിനെ കൂടാതെ രണ്ടാം സ്പിന്നറായി കുൽദീപ് യാദവിനെ ഉൾപ്പെടുത്തി. പേസർ ഉമേഷ് യാദവ് ടീമിൽ ഇല്ല.

ഇംഗ്ലണ്ട് ടീമിൽ ഒല്ലി പോപ്പ് ആദ്യ മത്സരത്തിന് ഇറങ്ങും. ബെൻ സ്റ്റോക്സിന് പകരം ക്രിസ് വോക്സിനെ ടീമിൽ ഉൾപ്പെടുത്തിയിട്ടുണ്ട്.