ഇന്ത്യക്ക് മോശം തുടക്കം; മഴ വീണ്ടും കളിമുടക്കി

ലോർഡ്‍സ്: ഇന്ത്യയും ഇംഗ്ലണ്ടും തമ്മിലുള്ള രണ്ടാം ക്രിക്കറ്റ് ടെസ്റ്റിൽ ബാറ്റിങ് തുടങ്ങിയ ഇന്ത്യക്ക് തുടക്കത്തിൽ തന്നെ ആദ്യ രണ്ട് വിക്കറ്റുകൾ നഷ്ടമായി. സ്കോർ ബോർഡിൽ ഒരു റൺ പോലും ചേർക്കും മുമ്പാണ് ഓപ്പണർ മുരളി വിജയിനെ ജെയിംസ് ആൻഡേഴ്സൺ പുറത്താക്കിയത്.

എട്ട് റൺസെടുത്ത ലോകേഷ് രാഹുലിനെയും ആൻഡേഴ്സൺ തന്നെ പുറത്താക്കി. രണ്ടാം ദിനവും മഴ കളി തടസ്സപ്പെടുത്തിയിരിക്കുകയാണ്. 6.3 ഓവറിൽ ഇന്ത്യ 2 വിക്കറ്റ് നഷ്ടത്തിൽ 11 റൺസാണ് എടുത്തിട്ടുള്ളത്. ക്യാപ്റ്റൻ വിരാട് കോഹ‍്‍ലിയും ചേതേശ്വർ പൂജാരയുമാണ് ക്രീസിൽ.

രണ്ട് മാറ്റങ്ങളുമായാണ് ഇന്ത്യ ഇന്നിറങ്ങുന്നത്. ഓപ്പണർ ശിഖർ ധവാന് പകരം ചേതേശ്വർ പൂജാരയെ ടീമിൽ ഉൾപ്പെടുത്തിയിട്ടുണ്ട്. അശ്വിനെ കൂടാതെ രണ്ടാം സ്പിന്നറായി കുൽദീപ് യാദവിനെ ഉൾപ്പെടുത്തി. പേസർ ഉമേഷ് യാദവ് ടീമിൽ ഇല്ല.

ഇംഗ്ലണ്ട് ടീമിൽ ഒല്ലി പോപ്പ് ആദ്യ മത്സരത്തിന് ഇറങ്ങും. ബെൻ സ്റ്റോക്സിന് പകരം ക്രിസ് വോക്സിനെ ടീമിൽ ഉൾപ്പെടുത്തിയിട്ടുണ്ട്.