ഓസീസ് ഏകദിന ടീമിൽ നിന്ന് മാക‍്‍സ്‍വെല്ലിനെ ഒഴിവാക്കി

സിഡ‍്‍നി: ഇംഗ്ലണ്ടിനെതിരായ ഏകദിന പരമ്പരക്കുള്ള ഓസ്ട്രേലിയൻ ക്രിക്കറ്റ് ടീമിൽ നിന്ന് വെടിക്കെട്ട് ബാറ്റ്സ്മാൻ ഗ്ലെൻ മാക‍്‍സ്‍വെല്ലിനെ ഒഴിവാക്കി. ഓസീസിന് വേണ്ടി 80 ഏകദിനങ്ങൾ കളിച്ചിട്ടുള്ള മാക‍്‍സ്‍വെൽ നിലവിൽ ലോക ക്രിക്കറ്റിലെ തന്നെ ഏറ്റവും മികച്ച വെടിക്കെട്ട് ബാറ്റ്സ്മാൻമാരിൽ ഒരാളാണ്. എന്നാൽ സ്ഥിരതയില്ലായ്മയാണ് താരത്തെ ടീമിൽ ഉൾപ്പെടുത്താതിരിക്കാൻ കാരണമെന്ന് ഓസീസ് നായകൻ സ്റ്റീവ് സ്മിത്ത് പറഞ്ഞു.

"സ്ഥിരതയാർന്ന പ്രകടനമാണ് മാക‍്‍സ്‍വെല്ലിനെ പോലൊരു താരത്തിൽ നിന്ന് പ്രതീക്ഷിക്കുന്നത്. അൽപം കൂടെ ശ്രദ്ധയോടെ കളിച്ച് തുടങ്ങിയാൽ അദ്ദേഹത്തിന് ടീമിൽ സ്ഥിരമായി സ്ഥാനമുണ്ടാവും," സ്മിത്ത് പറഞ്ഞു. ആഷസ് ടെസ്റ്റിന് ശേഷമാണ് ഇരു ടീമുകളും തമ്മിലുള്ള അഞ്ച് മത്സരങ്ങളുടെ ഏകദിന പരമ്പര.