സച്ചിനും വാൽഷും പരിശീലകർ, പോണ്ടിങും ഗിൽക്രിസ്റ്റും നയിക്കുന്ന ടീമുകൾ; ബുഷ‍്‍ഫയർ ചാരിറ്റി മത്സരം ഞായറാഴ്ച

മെൽബൺ: ലോക ക്രിക്കറ്റിലെ ഇതിഹാസ താരങ്ങൾ പങ്കെടുക്കുന്ന ബുഷ‍്‍ഫയർ ചാരിറ്റി മത്സരം ഞായറാഴ്ച നടക്കും. ഓസ്ട്രേലിയയിലെ ബുഷ‍്‍ഫയർ കെടുതികൾ അനുഭവിക്കുന്നവർക്ക് വേണ്ടിയുള്ള ധനസമാഹരണത്തിനാണ് മത്സരം നടത്തുന്നത്. നേരത്തെ നിശ്ചയിച്ചതിൽ നിന്ന് മാറി സിഡ്നി ക്രിക്കറ്റ് ഗ്രൗണ്ടിൽ നിന്ന് മെൽബണിലേക്ക് മാറ്റി.

സിഡ്നിയിൽ മഴ സാധ്യത ഉള്ളതിനാലാണ് മെൽബണിലേക്ക് മത്സരം മാറ്റിയിരിക്കുന്നത്. ബുഷ‍്‍ഫയർ ക്രിക്കറ്റ് ബാഷ് എന്ന് പേരിട്ടിരിക്കുന്ന മത്സരത്തിൽ ഓസ്ട്രേലിയയുടെ മുൻ നായകൻ റിക്കി പോണ്ടിങിൻെറ നേതൃത്വത്തിലുള്ള ടീമും ആദം ഗിൽക്രിസ്റ്റിൻെറ നേതൃത്വത്തിലുള്ള ടീമും തമ്മിലാണ് കളിക്കുക.

Also Read: ഓസീസിനെതിരായ ആ തോൽവിയിൽ നിന്ന് കോലി പാഠം പഠിച്ചില്ലേ ? തെറ്റ് വീണ്ടും ആവർത്തിച്ചു; ബൗളിങ് നിരയിൽ അവനെവിടെയെന്ന് ട്വിറ്റ‍ർ ലോകം!!

റിക്കി പോണ്ടിങിൻെറ ടീമിൻെറ പരിശീലകൻ ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കറാണ്. ഗിൽ ക്രിസ്റ്റിൻെറ നേതൃത്വത്തിലുള്ള ടീമിനെ വിൻഡീസ് പേസ് ഇതിഹാസം കോട്നി വാൽഷും പരിശീലിപ്പിക്കും. ഈ ടീമിൻെറ ക്യാപ്റ്റനായി ഷെയ്ൻ വോണ്ടിനെയാണ് നേരത്തെ തീരുമാനിച്ചിരുന്നത്. എന്നാൽ മത്സരത്തിൻെറ ഡേറ്റ് മാറിയതിനാൽ വോണിന് പങ്കെടുക്കാനാവില്ല. ശനിയാഴ്ചയായിരുന്നു നേരത്തെ മത്സരം നിശ്ചയിച്ചിരുന്നത്.

Also Read: ഇന്ത്യ തോറ്റതിന് കാരണമായത് റോസ് ടെയ‍്‍ലറുടെ ഇന്നിങ്സ് അല്ല; വഴിത്തിരിവ് എന്തെന്ന് വ്യക്തമാക്കി വിരാട് കോലി!

ബ്രയാൻ ലാറ, യുവരാജ് സിങ്, വസിം അക്രം, ജസ്റ്റിൻ ലാംഗർ, മാത്യു ഹെയ്ഡൻ, ഷെയ്ൻ വാട്സൺ, ആൻഡ്രൂ സൈമണ്ട്സ്, ബ്രാഡ് ഹാഡിൻ, ബ്രെറ്റ് ലീ തുടങ്ങിയ സൂപ്പർതാരങ്ങളും മത്സരത്തിൽ പങ്കെടുക്കുന്നുണ്ട്. ഷെയ്ൻ വോൺ, മൈക്കൽ ക്ലാർക്ക് എന്നിവർ കളിക്കില്ല.