വിരാടിനെയും രോഹിതിനെയും മറികടന്ന് റൺവേട്ടയിൽ മിതാലി ഒന്നാമത്

ന്യൂഡൽഹി: അന്താരാഷ്ട്ര ട്വൻറി20 ക്രിക്കറ്റിൽ ഇന്ത്യക്കായി ഏറ്റവും കൂടുതൽ റൺസ് നേടിയിട്ടുള്ള താരമായി മിതാലി രാജ്. പുരുഷ ക്രിക്കറ്റിലെ പ്രമുഖ താരങ്ങളെ മറികടന്നാണ് മിതാലി ഈ നേട്ടം സ്വന്തമാക്കിയിട്ടുള്ളത്.

ഇന്ത്യൻ ക്യാപ്റ്റൻ വിരാട് കോഹ‍്‍ലി, ഉപനായകൻ രോഹിത് ശർമ്മ എന്നിവരെ മറികടന്നാണ് മിതാലി ഒന്നാമതെത്തിയത്. 2283 റൺസുമായാണ് മിതാലി ഇന്ത്യൻ റൺവേട്ടക്കാരിൽ ഒന്നാം സ്ഥാനത്ത് നിൽക്കുന്നത്. 2207 റൺസാണ് രോഹിത് ശർമ്മ നേടിയിട്ടുള്ളത്.

മൂന്നാം സ്ഥാനത്തുള്ള കോഹ‍്‍ലി 2102 റൺസ് നേടിയിട്ടുണ്ട്. വനിതാ ലോകകപ്പിൽ മിതാലി തുടർച്ചയായി രണ്ട് അർധശതകങ്ങൾ നേടിയിരുന്നു. 80 ടി20 മത്സരങ്ങളാണ് മിതാലിയും രോഹിതും ഇത് വരെ കളിച്ചിട്ടുള്ളത്. 58 മത്സരങ്ങൾ മാത്രമേ കോഹ‍്‍ലി കളിച്ചിട്ടുള്ളൂ.