ആ പ്രസ്താവന വളച്ചൊടിച്ചത്: കോഹ‍്‍ലിക്ക് പിന്തുണയുമായി കൈഫ്

ന്യൂഡൽഹി: ഇന്ത്യൻ നായകൻ വിരാട് കോഹ‍്‍ലിക്കെതിരായ സൈബർ വിമർശനങ്ങളിൽ പ്രതികരണവുമായി മുൻതാരം മുഹമ്മദ് കൈഫ്. ഇന്ത്യൻ താരങ്ങളെ ഇഷ്ടമല്ലെന്ന് പറഞ്ഞ ആരാധകനോട് രാജ്യം വിടുന്നതല്ലേ നല്ലതെന്ന് കോഹ‍്‍ലി ചോദിച്ചിരുന്നു.


പിറന്നാൾ ദിനത്തിൽ ട്വിറ്ററിൽ ഒരു വീഡിയോയിലൂടെയാണ് അദ്ദേഹം ഇങ്ങനെ പറഞ്ഞത്. സംഭവം പിന്നീട് വൻവിവാദമായി മാറി. കോഹ‍്‍ലിയുടെ വാചകങ്ങൾ സാഹചര്യത്തിൽ നിന്ന് അടർത്തിയെടുത്തതാണെന്ന് കൈഫ് പറഞ്ഞു. മോശം ഉദ്ദ്യേശത്തോടെയല്ല അദ്ദേഹം ഇങ്ങനെ പറഞ്ഞതതെന്നും കൈഫ് കൂട്ടിച്ചേർത്തു.


അനാവശ്യമായി കോഹ‍്‍ലിയെ ഉന്നം വെച്ച് ആക്രമിക്കുകയാണ്. ചിലരുടെ അജണ്ടയാണ് ഇതിന് പിന്നിലുള്ളത്. ലോകം ആരാധിക്കുന്ന താരമാണ് കോഹ‍്‍ലി, അദ്ദേഹത്തിനെതിരെ അനാവശ്യ പ്രചരണങ്ങൾ നല്ലതല്ലെന്നും കൈഫ് പറഞ്ഞു.