ന്യൂഡൽഹി: പാകിസ്ഥാൻ പ്രധാനമന്ത്രി ഇമ്രാൻ ഖാന് മറുപടിയുമായി മുൻ ഇന്ത്യൻ ക്രിക്കറ്റർ മുഹമ്മദ് കൈഫ്. ന്യൂനപക്ഷങ്ങളോട് എങ്ങനെ പെരുമാറണമെന്ന് പാകിസ്ഥാൻ ഇന്ത്യക്ക് ക്ലാസ്സ് എടുക്കേണ്ടതില്ലെന്ന് കൈഫ് പറഞ്ഞു. ട്വിറ്ററിലൂടെയാണ് കൈഫിൻെറ മറുപടി. ന്യൂനപക്ഷങ്ങളോട് എങ്ങനെ നന്നായി പെരുമാറണമെന്ന് പാകിസ്ഥാൻ ഇന്ത്യക്ക് പഠിപ്പിച്ച് കൊടുക്കുമെന്ന് ഇമ്രാൻ ഖാൻ പറഞ്ഞിരുന്നു. ഇതിനോടാണ് കൈഫിൻെറ മറുപടി. ലോകത്ത് ന്യൂനപക്ഷങ്ങളോട് എങ്ങനെ പെരുമാറണമെന്ന് സംസാരിക്കുവാൻ ഒട്ടും അർഹതയില്ലാത്ത രാജ്യങ്ങളിൽ ഒന്നാണ് പാകിസ്ഥാനെന്നും കൈഫ് തുറന്നടിച്ചു.
വിഭജന കാലത്ത് പാകിസ്ഥാനിൽ 20 ശതമാനത്തോളം ന്യൂനപക്ഷങ്ങളുണ്ടായിരുന്നു. ഇന്ന് അത് വെറും രണ്ട് ശതമാനമാണ്. ഇന്ത്യയിൽ ന്യൂനപക്ഷങ്ങളുടെ ജനസംഖ്യ വർധിച്ചിട്ടേയുള്ളൂവെന്നും കൈഫ് പറഞ്ഞു.
വിഭജന കാലത്ത് പാകിസ്ഥാനിൽ 20 ശതമാനത്തോളം ന്യൂനപക്ഷങ്ങളുണ്ടായിരുന്നു. ഇന്ന് അത് വെറും രണ്ട് ശതമാനമാണ്. ഇന്ത്യയിൽ ന്യൂനപക്ഷങ്ങളുടെ ജനസംഖ്യ വർധിച്ചിട്ടേയുള്ളൂവെന്നും കൈഫ് പറഞ്ഞു.