ഷമി ഇന്ത്യയുടെ ഏറ്റവും മികച്ച ടെസ്റ്റ് ബൗള‍റെന്ന് ദക്ഷിണാഫ്രിക്കൻ താരം

ജൊഹന്നാസ് ബെ‍ർഗ്: നിലവിൽ മുഹമ്മദ് ഷമിയാണ് ഇന്ത്യൻ ക്രിക്കറ്റ് ടീമിലെ ഏറ്റവും മികച്ച ടെസ്റ്റ് ബൗള‍റെന്ന് മുൻ ദക്ഷിണാഫ്രിക്കൻ ഫാസ്റ്റ് ബൗള‍ർ ഫാനി ഡീ വില്ലിയേഴ്‍സ്. പ്രതികൂല സാഹചര്യങ്ങളിൽ പോലും ഷമിക്ക് നന്നായി പന്തെറിയാനാവുന്നുണ്ടെന്ന് അദ്ദേഹം പറഞ്ഞു. സെഞ്ചൂറിയൻ ടെസ്റ്റിൻെറ രണ്ടാം ഇന്നിങ്സിൽ ഷമി നാല് വിക്കറ്റ് വീഴ്ത്തിയിരുന്നു.

ഗ്ലെൻ മഗ്രാത്ത്, ഷോൺ പൊള്ളോക്ക്, ഡെയ്ൽ സ്റ്റെയ്ൻ, ഇയാൻ ബോതം തുടങ്ങിയ താരങ്ങളോട് താരതമ്യം ചെയ്യാവുന്ന ബൗള‍റാണ് ഷമി. 140 കിലോമീറ്റ‍ർ വേഗതയിൽ അദ്ദേഹത്തിന് പന്തെറിയാൻ സാധിക്കുന്നു. മികച്ച ഔട്ട് സ്വിങ്ങറായ അദ്ദേഹത്തിൻെറ സ്ഥിരത മാതൃകയാക്കേണ്ടതാണെന്നും ഡീ വില്ലിയേഴ്‍സ് പറഞ്ഞു.