ഇവരെ കളിപ്പിക്കാതിരിക്കുന്നത് ശരിയാണോ ? വിമർശനവുമായി ഗവാസ്കർ

ന്യൂഡൽഹി: മഹേന്ദ്ര സിങ് ധോണിയെയും ശിഖർ ധവാനെയും പ്രാദേശിക ക്രിക്കറ്റിൽ കളിപ്പിക്കണമെന്ന് മുൻ ഇന്ത്യൻ താരം സുനിൽ ഗവാസ്കർ. ബിസിസിഎെ ഇക്കാര്യത്തിൽ തീരുമാനമെടുക്കണം. സ്ഥിരമായി കളിക്കാത്ത താരങ്ങൾ എങ്ങനെയാണ് ലോകകപ്പിൽ ഫോമിലെത്തുകയെന്നും ഗവാസ്കർ ചോദിച്ചു.

2014ൽ ടെസ്റ്റ് ക്രിക്കറ്റിൽ നിന്ന് വിരമിച്ച എംഎസ് ധോണി നിലവിൽ ടി20 ക്രിക്കറ്റിലും കളിക്കുന്നില്ല. ഏകദിനത്തിൽ മാത്രമാണ് അദ്ദേഹം കളിക്കുന്നത്. ഒരു വർഷം വളരെ കുറച്ച് മത്സരങ്ങൾ മാത്രമാണ് അദ്ദേഹം കളിക്കുന്നത്. ശിഖർ ധവാൻ ഇന്ത്യൻ ടെസ്റ്റ് ടീമിലെ സ്ഥിരം സാന്നിധ്യമല്ല. ഇരുവർക്കും മികച്ച പരിശീലമായിരിക്കും ആഭ്യന്തര ക്രിക്കറ്റിൽ ലഭിക്കുകയെന്നും ഗവാസ്കർ പറഞ്ഞു.

ആഭ്യന്തര ക്രിക്കറ്റിൽ ഇരുവരും എന്ത് കൊണ്ട് കളിക്കുന്നില്ലെന്ന് താരങ്ങളോട് ചോദിക്കുന്നില്ല. രഞ്ജി ട്രോഫി പോലുള്ള ടൂർണമെൻറിൽ ഇരുവരെയും കളിപ്പിക്കുന്ന കാര്യം ബിസിസിഎെ ചിന്തിക്കണമെന്നും ഗവാസ്കർ പറഞ്ഞു.