ഏകദിന ക്രിക്കറ്റിൽ 10000 റൺസ് തികച്ച് എംഎസ് ധോണി

ന്യൂഡൽഹി: ഏകദിന ക്രിക്കറ്റിൽ 100000 റൺസ് തികയ്ക്കുന്ന നാലാമത്തെ ഇന്ത്യൻ താരമായി മഹേന്ദ്ര സിങ് ധോണി. അന്താരാഷ്ട്ര ക്രിക്കറ്റിൽ ഈ നേട്ടം നേടുന്ന 12ാമത് താരമാണ് ധോണി. ഇംഗ്ലണ്ടിനെതിരായ രണ്ടാം ഏകദിനമത്സരത്തിലാണ് ധോണി 10000 റൺസ് തികച്ചത്. സച്ചിൻ ടെണ്ടുൽക്കർ, സൗരവ് ഗാംഗുലി, രാഹുൽ ദ്രാവിഡ് എന്നിവരാണ് ധോണിക്ക് മുമ്പ് 10000 റൺസെടുത്തിട്ടുള്ള ഇന്ത്യൻ താരങ്ങൾ.

ഈ നേട്ടം കൈവരിക്കുന്ന ലോകത്തിലെ രണ്ടാമത്തെ വിക്കറ്റ് കീപ്പർ ബാറ്റ്സ്മാൻ കൂടിയാണ് ധോണി. ശ്രീലങ്കയുടെ കുമാർ സംഗക്കാരയാണ് മറ്റൊരാൾ. ഏകദിനത്തിൽ 300 ക്യാച്ചുകളെടുക്കുന്ന ആദ്യ ഇന്ത്യൻ വിക്കറ്റ് കീപ്പർ എന്ന നേട്ടവും ധോണി സ്വന്തമാക്കി. ഈ നേട്ടം സ്വന്തമാക്കുന്ന ലോകത്തിലെ നാലാമത്തെ വിക്കറ്റ് കീപ്പറാണ് മുൻ ഇന്ത്യൻ നായകൻ.