ലോകകപ്പ് ക്രിക്കറ്റിന് യോഗ്യത നേടാൻ നേപ്പാളിൻെറ മുന്നേറ്റം

വിൻധോക്ക്: ചരിത്രത്തിലാദ്യമായി നേപ്പാൾ ലോകകപ്പ് ക്രിക്കറ്റിനുള്ള യോഗ്യതാമത്സരങ്ങൾ കളിക്കും. എെസിസി വേൾഡ് ക്രിക്കറ്റ് ലീഗിൽ കാനഡയെ ഒരു വിക്കറ്റിന് തോൽപ്പിച്ചാണ് നേപ്പാളിൻെറ മുന്നേറ്റം. ആവേശകരമായ മത്സരത്തിൽ അവസാന പന്തിലാണ് നേപ്പാൾ വിജയം നേടിയത്.

195 റൺസ് വിജയലക്ഷ്യവുമായി ഇറങ്ങിയ നേപ്പാൾ ഒരു ഘട്ടത്തിൽ 9 വിക്കറ്റിന് 144 എന്ന നിലയിലായിരുന്നു. എന്നാൽ അവസാനവിക്കറ്റ് കൂട്ടുകെട്ടിൽ കരൺ കെ.സിയും സന്ദീപ് ലാമിച്ചാനെയും നടത്തിയ ചെറുത്തുനിൽപ്പ് ടീമിനെ വിജയത്തിലെത്തിക്കുകയായിരുന്നു.

ലോകകപ്പ് ക്രിക്കറ്റിനായി ടീമുകളെ തിരഞ്ഞെടുക്കാനുള്ള അവസാന യോഗ്യതാമത്സരങ്ങൾ സിംബാവെയിൽ നടക്കും.