എെപിഎൽ 2018 ഏപ്രിൽ ഏഴിന് മുംബൈയിൽ തുടങ്ങും

ന്യൂഡൽഹി: ഇന്ത്യൻ പ്രീമിയർ ലീഗ് 11ാമത് എഡിഷൻ ഈ വർഷം ഏപ്രിൽ ഏഴ് മുതൽ മെയ് 27 വരെ നടക്കും. ടൂർണമെൻറിലെ ആദ്യമത്സരവും ഫൈനലും മുംബൈയിൽ നടക്കുമെന്ന് എെപിഎൽ ഗവേണിങ് കൗൺസിൽ അറിയിച്ചു. ഉദ്ഘാടന ചടങ്ങുകൾ ഏപ്രിൽ ആറിന് മുംബൈയിൽ നടക്കും.

ഈ വ‍ർഷം മുതൽ മത്സരങ്ങൾ വൈകുന്നേരം 5.30നും രാത്രി എട്ടിനുമായിരിക്കും നടക്കുക. എെപിഎൽ സംപ്രേഷവകാശമുള്ള സ്റ്റാ‍ർ സ്പോ‍ർട്സിൻെറ അഭ്യ‍ർഥന പരിഗണിച്ചാണ് ഈ മാറ്റം. നേരത്തെ വൈകീട്ട് നാലിനും രാത്രി ഏഴിനുമായിട്ടാണ് മത്സരങ്ങൾ നടത്തിയിരുന്നത്.

ജനുവരി 27,28 തീയ്യതികളിൽ ബെംഗലൂരുവിലാണ് എെപിഎൽ ലേലം നടക്കുന്നത്. 360 ഇന്ത്യൻ താരങ്ങളടക്കം 578 താരങ്ങളാണ് ലേലത്തിലുള്ളത്.