​റോസ് ടെയ‍്‍ല‍ർ 181 നോട്ടൗട്ട്: ന്യൂസിലൻറിന് തകർപ്പൻ വിജയം

ന്യൂഡൽഹി: പരിക്ക് വക വെക്കാതെ കളിച്ച റോസ് ടെയ‍്‍ല‍റുടെ മിന്നുന്ന സെഞ്ച്വറിയുടെ ബലത്തിൽ നാലാം ഏകദിനത്തിൽ ഇംഗ്ലണ്ടിനെ തോൽപ്പിച്ച് ന്യൂസിലൻറ്. അഞ്ച് വിക്കറ്റ് വിജയം നേടിയ ന്യൂസിലൻറ് ഇതോടെ പരമ്പര 2-2 എന്ന നിലയിൽ സമനിലയിലാക്കി.

കരിയറിലെ ഏറ്റവും ഉയർന്ന സ്കോറാണ് ന്യൂസിലൻറ് ബാറ്റ്സ്മാൻ റോസ് ടെയ‍്‍ല‍ർ ഇംഗ്ലണ്ടിനെതിരെ നേടിയത്. 181 റൺസ് നേടിയ താരം പുറത്താവാതെ നിന്നു. കാലിനേറ്റ പരിക്ക് കാരണം പലപ്പോഴും ടെയ‍‍്‍ല‍ർ മുടന്തുന്നുണ്ടായിരുന്നു. 17 ഫോറുകളും ആറ് സിക്സറുകളും അടങ്ങിയതായിരുന്നു അദ്ദേഹത്തിൻെറ ഇന്നിങ്സ്.

മത്സരത്തിൽ ആദ്യം ബാറ്റ് ചെയ്ത ഇംഗ്ലണ്ട് 9 വിക്കറ്റ് നഷ്ടത്തിൽ 335 റൺസാണ് എടുത്തിരുന്നത്. എന്നാൽ ന്യൂസിലൻറ് അഞ്ച് വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു.