ന്യൂസിലന്‍ഡ് (New Zealand) സ്റ്റാര്‍ ബാറ്ററും ഏകദിന ക്രിക്കറ്റ് ടീമിന്റെ ക്യാപ്റ്റനുമായ കെയ്ന്‍ വില്യംസണിന് (Kane Williamson) ഐസിസി ഏകദിന ലോകകപ്പിന്റെ (ODI World Cup) വരാനിരിക്കുന്ന പതിപ്പ് നഷ്ടമായേക്കുമെന്ന് റിപ്പോര്‍ട്ട്. ഏകദിന ലോകകപ്പ് 2023 എഡിഷന്‍ ഈ വര്‍ഷം ഒക്ടോബറിലും നവംബറിലും ഇന്ത്യയിലാണ് നടക്കുന്നത്. 2019 എഡിഷനില്‍ പ്ലെയര്‍ ഓഫ് ദ ടൂര്‍ണമെന്റ് അവാര്‍ഡ് നേടിയ 32 കാരനായ വില്യംസണിന് പരിക്കാണ് തിരിച്ചടിയാകുന്നത്.
വാര്‍ത്താ ഏജന്‍സി റോയിട്ടേഴ്സ് റിപ്പോര്‍ട്ടുകള്‍ പ്രകാരം, വില്യംസണിന് ഈ വര്‍ഷത്തെ ഏകദിന ലോകകപ്പ് നഷ്ടമാകുമെന്നാണ് സൂചന. വലത് കാല്‍മുട്ടില്‍ ലിഗമെന്റ് പൊട്ടിയതായി പരിശോധനയില്‍ കണ്ടെത്തി. താരത്തിന് ശസ്ത്രക്രിയയ്ക്ക് വിധേയനാകേണ്ടി വരും. അങ്ങിനെവന്നാല്‍ മാസങ്ങളോളം വില്യംസണ്‍ ക്രിക്കറ്റില്‍ നിന്നും പുറത്താവുകയും ഇത് ലോകകപ്പിലെ സാധ്യത ഇല്ലാതാക്കുകയും ചെയ്യും.
Also Read: ഇന്ത്യയുടെ ഏകദിന ലോകകപ്പ് ടീമിൽ സഞ്ജു സാംസൺ സ്ഥാനം പിടിക്കുമോ? സാധ്യതകൾ ഇങ്ങനെ!
വിഷയത്തില്‍ വില്യംസണ്‍ പ്രതികരിച്ചിട്ടുണ്ട്. ഇത്തരമൊരു പരിക്ക് നിരാശാജനകമാണ്, പക്ഷേ ഇപ്പോള്‍ ശ്രദ്ധ സര്‍ജറി ചെയ്യുന്നതിനും കായികക്ഷമത വീണ്ടെടുക്കുന്നതിനുമാണെന്നും വില്യംസണ്‍ വാര്‍ത്താക്കുറിപ്പില്‍ പറഞ്ഞു. ഇതിന് കുറച്ച് സമയമെടുക്കും, പക്ഷേ എത്രയും വേഗം മൈതാനത്ത് തിരിച്ചെത്താന്‍ എനിക്ക് കഴിയുന്നതെല്ലാം ഞാന്‍ ചെയ്യുമെന്നും താരം വ്യക്തമാക്കി.
2019 ലോകകപ്പ് ഫൈനലിലേക്ക് ന്യൂസിലന്‍ഡിനെ വില്യംസണ്‍ നയിച്ചു. ഫൈനലില്‍ ഇംഗ്ലണ്ടിനെതിരെ ബൗണ്ടറി എണ്ണത്തിന്റെ അടിസ്ഥാനത്തിലാണ് തോറ്റത്. ആ ടൂര്‍ണമെന്റില്‍, 10 മത്സരങ്ങളില്‍ നിന്നായി 578 റണ്‍സ് നേടിയ താരം ഏറ്റവും കൂടുതല്‍ റണ്‍സ് നേടിയവരുടെ പട്ടികയില്‍ നാലാം സ്ഥാനത്തെത്തി. വരാനിരിക്കുന്ന ഏകദിന ലോകകപ്പിന് വില്യംസണിന്റെ അസാന്നിധ്യം ന്യൂസിലന്‍ഡിന് വലിയ തിരിച്ചടിയാണ്. എന്നാല്‍ കിവി കോച്ച് ഗാരി സ്റ്റെഡ് ഇപ്പോഴും അദ്ദേഹത്തിന്റെ ലഭ്യതയെക്കുറിച്ച് പ്രതീക്ഷയിലാണ്. വില്യംസണ്‍ കളിക്കാനുള്ള സാധ്യത അവര്‍ പൂര്‍ണമായും തള്ളിക്കളഞ്ഞിട്ടില്ല.
Also Read : ബിസിസിഐയുടെ വാർഷിക കരാറുകൾ പ്രഖ്യാപിച്ചു, സഞ്ജുവിന് കോളടിച്ചു, എ പ്ലസ് കരാർ 4 പേർക്ക്
വില്യംസണിന്റെ നേതൃത്വത്തിലുള്ള ന്യൂസിലന്‍ഡ് ടീം സമീപകാലത്ത് ഒട്ടേറെ വിജയങ്ങള്‍ നേടിയെടുത്തിരുന്നു. ഏകദിന ലോകകപ്പ് ഫൈനലിന് പുറമെ ടി20 ലോകകപ്പിലും ലോക ടെസ്റ്റ് ചാമ്പ്യന്‍ഷിപ്പ് ഫൈനലിലും എത്താന്‍ ന്യൂസിലന്‍ഡിന് സാധിച്ചു. ഇന്ത്യയെ തോല്‍പ്പിച്ച് പ്രഥമ ലോക ടെസ്റ്റ് ചാമ്പ്യന്മാരാകാന്‍ സാധിച്ചതാണ് ന്യൂസിലന്‍ഡിന്റെ വലിയ നേട്ടങ്ങളിലൊന്ന്.
Read Latest Sports News and Malayalam News
വാര്‍ത്താ ഏജന്‍സി റോയിട്ടേഴ്സ് റിപ്പോര്‍ട്ടുകള്‍ പ്രകാരം, വില്യംസണിന് ഈ വര്‍ഷത്തെ ഏകദിന ലോകകപ്പ് നഷ്ടമാകുമെന്നാണ് സൂചന. വലത് കാല്‍മുട്ടില്‍ ലിഗമെന്റ് പൊട്ടിയതായി പരിശോധനയില്‍ കണ്ടെത്തി. താരത്തിന് ശസ്ത്രക്രിയയ്ക്ക് വിധേയനാകേണ്ടി വരും. അങ്ങിനെവന്നാല്‍ മാസങ്ങളോളം വില്യംസണ്‍ ക്രിക്കറ്റില്‍ നിന്നും പുറത്താവുകയും ഇത് ലോകകപ്പിലെ സാധ്യത ഇല്ലാതാക്കുകയും ചെയ്യും.
Also Read: ഇന്ത്യയുടെ ഏകദിന ലോകകപ്പ് ടീമിൽ സഞ്ജു സാംസൺ സ്ഥാനം പിടിക്കുമോ? സാധ്യതകൾ ഇങ്ങനെ!
വിഷയത്തില്‍ വില്യംസണ്‍ പ്രതികരിച്ചിട്ടുണ്ട്. ഇത്തരമൊരു പരിക്ക് നിരാശാജനകമാണ്, പക്ഷേ ഇപ്പോള്‍ ശ്രദ്ധ സര്‍ജറി ചെയ്യുന്നതിനും കായികക്ഷമത വീണ്ടെടുക്കുന്നതിനുമാണെന്നും വില്യംസണ്‍ വാര്‍ത്താക്കുറിപ്പില്‍ പറഞ്ഞു. ഇതിന് കുറച്ച് സമയമെടുക്കും, പക്ഷേ എത്രയും വേഗം മൈതാനത്ത് തിരിച്ചെത്താന്‍ എനിക്ക് കഴിയുന്നതെല്ലാം ഞാന്‍ ചെയ്യുമെന്നും താരം വ്യക്തമാക്കി.
2019 ലോകകപ്പ് ഫൈനലിലേക്ക് ന്യൂസിലന്‍ഡിനെ വില്യംസണ്‍ നയിച്ചു. ഫൈനലില്‍ ഇംഗ്ലണ്ടിനെതിരെ ബൗണ്ടറി എണ്ണത്തിന്റെ അടിസ്ഥാനത്തിലാണ് തോറ്റത്. ആ ടൂര്‍ണമെന്റില്‍, 10 മത്സരങ്ങളില്‍ നിന്നായി 578 റണ്‍സ് നേടിയ താരം ഏറ്റവും കൂടുതല്‍ റണ്‍സ് നേടിയവരുടെ പട്ടികയില്‍ നാലാം സ്ഥാനത്തെത്തി. വരാനിരിക്കുന്ന ഏകദിന ലോകകപ്പിന് വില്യംസണിന്റെ അസാന്നിധ്യം ന്യൂസിലന്‍ഡിന് വലിയ തിരിച്ചടിയാണ്. എന്നാല്‍ കിവി കോച്ച് ഗാരി സ്റ്റെഡ് ഇപ്പോഴും അദ്ദേഹത്തിന്റെ ലഭ്യതയെക്കുറിച്ച് പ്രതീക്ഷയിലാണ്. വില്യംസണ്‍ കളിക്കാനുള്ള സാധ്യത അവര്‍ പൂര്‍ണമായും തള്ളിക്കളഞ്ഞിട്ടില്ല.
Also Read : ബിസിസിഐയുടെ വാർഷിക കരാറുകൾ പ്രഖ്യാപിച്ചു, സഞ്ജുവിന് കോളടിച്ചു, എ പ്ലസ് കരാർ 4 പേർക്ക്
വില്യംസണിന്റെ നേതൃത്വത്തിലുള്ള ന്യൂസിലന്‍ഡ് ടീം സമീപകാലത്ത് ഒട്ടേറെ വിജയങ്ങള്‍ നേടിയെടുത്തിരുന്നു. ഏകദിന ലോകകപ്പ് ഫൈനലിന് പുറമെ ടി20 ലോകകപ്പിലും ലോക ടെസ്റ്റ് ചാമ്പ്യന്‍ഷിപ്പ് ഫൈനലിലും എത്താന്‍ ന്യൂസിലന്‍ഡിന് സാധിച്ചു. ഇന്ത്യയെ തോല്‍പ്പിച്ച് പ്രഥമ ലോക ടെസ്റ്റ് ചാമ്പ്യന്മാരാകാന്‍ സാധിച്ചതാണ് ന്യൂസിലന്‍ഡിന്റെ വലിയ നേട്ടങ്ങളിലൊന്ന്.
Read Latest Sports News and Malayalam News