Ind vs NZ 1st Test: ഇന്ത്യക്ക് ബാറ്റിങ് തകർച്ച, ഒന്നാം ദിനം 5 വിക്കറ്റിന് 122

ഇന്ത്യയും ന്യൂസിലൻറും തമ്മിലുള്ള ഒന്നാം ക്രിക്കറ്റ് ടെസ്റ്റിൻെറ ഒന്നാം ദിവസത്തിലെ മത്സരം അവസാനിപ്പിച്ചു. മഴ കാരണം മത്സരം നേരത്തെ അവസാനിപ്പിക്കുകയാണ് ചെയ്തത്. ഇന്ത്യ 5 വിക്കറ്റ് നഷ്ടത്തിൽ 122 റൺസെടുത്തു.


കളി തടസ്സപ്പെടുത്തി മഴ

മഴ കാരണം ചായയ്ക്ക് ശേഷം മത്സരം തുടങ്ങാൻ വൈകുന്നു. ചായക്ക് പിരിയുമ്പോൾ ഇന്ത്യ 5 വിക്കറ്റ് നഷ്ടത്തിൽ 122 റൺസാണ് എടുത്തിട്ടുള്ളത്. രഹാനെ 38 റൺസുമായും റിഷഭ് പന്ത് 10 റൺസെടുത്തും പുറത്താവാതെ നിൽക്കുന്നു.

Also Read: 2014ൽ ഇംഗ്ലണ്ടിൽ സംഭവിച്ചതിൻെറ തനിയാവർത്തനമാണ് ന്യൂസിലൻറിൽ സംഭവിക്കുന്നത് ? വിരാട് കോലിക്ക് ഇതെന്താണ് സംഭവിക്കുന്നത് - വീഡിയോ കാണാം undefined


ഇന്ത്യക്ക് ബാറ്റിങ് തകർച്ച

വെല്ലിങ്ടൺ ടെസ്റ്റിൽ ടോസ് നേടിയ ന്യൂസിലൻറ് നായകൻ കെയ്ൻ വില്യംസൺ ആദ്യം ഫീൽഡിങ് തെരഞ്ഞെടുത്തു. ബാറ്റിങ് ആരംഭിച്ച ഇന്ത്യ കിവീസ് പേസർമാർക്ക് മുന്നിൽ പതറുകയാണ്. അരങ്ങേറ്റ ടെസ്റ്റിന് ഇറങ്ങിയ കെയ്ൽ ജാമീസണാണ് ഇന്ത്യക്ക് കൂടുതൽ വെല്ലുവിളിയാവുന്നത്. 100 റൺസ് തികച്ചപ്പോഴേക്കും ഇന്ത്യക്ക് ആദ്യ 5 വിക്കറ്റുകൾ നഷ്ടമായി.

ഓപ്പണർമാരായ പൃഥ്വി ഷായ്ക്കും മായങ്ക് അഗർവാളിനും അധികം പിടിച്ച് നിൽക്കാനായില്ല. പൃഥ്വി ഷാ 16 റൺസെടുത്തും മായങ്ക് 34 റൺസെടുത്തും പുറത്തായി. ചേതേശ്വർ പൂജാര 11 റൺസും ഹനുമ വിഹാരി 7 റൺസും എടുത്ത് മടങ്ങിയപ്പോൾ നായകൻ വിരാട് കോലി 7 പന്തിൽ നിന്ന് വെറും 2 റൺസെടുത്തും പുറത്തായി. ടീമിൽ വൃദ്ധിമാൻ സാഹയ്ക്ക് പരിഗണിക്കാതെ റിഷഭ് പന്തിനെയും രവീന്ദ്ര ജഡേജയെ ഉൾപ്പെടുത്താതെ ആർ അശ്വിനെയുമാണ് ഇന്ത്യ കളിപ്പിക്കുന്നത്.

റിഷഭ് പന്തും അജിങ്ക്യ രഹാനെയുമാണ് ക്രീസിൽ. 50 ഓവറിൽ ഇന്ത്യ 5 വിക്കറ്റ് നഷ്ടത്തിൽ 116 റൺസെടുത്തു.