​നിധാഹാസ് ട്രോഫി: ലങ്കയെ തോൽപ്പിച്ച് ബംഗ്ലാദേശ് ഫൈനലിൽ

കൊളംബോ: നിധാഹാസ് ടോഫി ത്രിരാഷ്ട്ര ട്വൻറി20 ഫൈനലിൽ ശ്രീലങ്കയെ തോൽപ്പിച്ച് ബംഗ്ലാദേശ് ഫൈനലിൽ. വെള്ളിയാഴ്ച നടന്ന മത്സരത്തിൽ 2 വിക്കറ്റിനാണ് ബംഗ്ലാദേശിൻെറ വിജയം. ഫൈനലിൽ ബംഗ്ലാദേശ് ഇന്ത്യയെ നേരിടും.

മത്സരത്തിൽ ആദ്യം ബാറ്റ് ചെയ്ത ശ്രീലങ്ക ഏഴ് വിക്കറ്റ് നഷ്ടത്തിൽ 159 റൺസെടുത്തു. ലങ്കക്കായി കുശാൽ പെരേരയും തിസര പെരേരയും അർധശതകങ്ങൾ നേടി. മറുപടി ബാറ്റിങിനിറങ്ങിയ ബംഗ്ലാദേശ് 19.5 ഓവറിലാണ് ലക്ഷ്യം മറികടന്നത്. ഓപ്പണർ തമീം ഇഖ്ബാൽ അർധശതകം നേടി.

എന്നാൽ 18 പന്തിൽ നിന്ന് 43 റൺസെടുത്ത് വെടിക്കെട്ട് ബാറ്റിങ് പ്രകടനം കാഴ്ച വെച്ച മഹ‍്‍മുദുള്ളയാണ് ബംഗ്ലാദേശിൻെറ വിജയശിൽപി.