നടപടി ക്രൂരം: സ്മിത്തിനെയും വാർണറെയും പിന്തുണച്ച് ഗെയ‍്‍ൽ

ന്യൂഡൽഹി: അന്താരാഷ്ട്ര ക്രിക്കറ്റിൽ നിന്ന് വിലക്ക് നേരിടുന്ന ഓസീസ് താരങ്ങളെ പിന്തുണച്ച് വെസ്റ്റ് ഇൻഡീസ് ക്രിക്കറ്റർ ക്രിസ് ഗെയ‍്‍ൽ. സ്മിത്തിനെയും വാർണറിനെയും ഒരു വർഷം വിലക്കാനുള്ള തീരുമാനം ക്രൂരമായിപ്പോയെന്ന് ഗെയ‍്‍ൽ പറഞ്ഞു. ട്വിറ്ററിലൂടെയാണ് താരം പ്രതികരിച്ചത്.

മൂന്ന് പേരും യുവതാരങ്ങളാണ്. ഇത് കൊണ്ടൊന്നും കളി മതിയാക്കരുത്. ജമൈക്കയിലെ തൻെറ വീട്ടിലേക്ക് ഏത് സമയത്തും മൂന്ന് പേർക്കും സ്വാഗതമാണെന്നും അദ്ദേഹം പറഞ്ഞു. പന്ത് ചുരണ്ടൽ വിവാദത്തെ തുടർന്ന് സ്മിത്തിനെയും വാർണറിനെയും ഒരു വർഷത്തേക്കും കാമറൂൺ ബാൻ ക്രോഫ്റ്റിനെ ഒമ്പത് മാസത്തേക്കുമാണ് ക്രിക്കറ്റിൽ നിന്ന് വിലക്കിയിട്ടുള്ളത്.