ഹോങ്കോങിനെ എട്ട് വിക്കറ്റിന് തകർത്ത് പാകിസ്ഥാൻ

ദുബായ്: ഏഷ്യാകപ്പിലെ തങ്ങളുടെ ആദ്യ മത്സരത്തിൽ ഹോങ്കോങിനെ എട്ട് വിക്കറ്റിന് തകർത്ത് പാകിസ്ഥാൻ. തികച്ചും ഏകപക്ഷീയമായ മത്സരത്തിലാണ് പാകിസ്ഥാൻ തകർപ്പൻ വിജയം നേടിയത്. മത്സരത്തിൽ ആദ്യം ബാറ്റ് ചെയ്ത ഹോങ്കോങിന് വെറും 116 റൺസേ എടുക്കാനായുള്ളൂ.

പാകിസ്ഥാന് വേണ്ടി ഉസ്മാൻ ഖാൻ 3 വിക്കറ്റും ഹസൻ അലി, ഷദബ് ഖാൻ എന്നിവർ രണ്ട് വിക്കറ്റ് വീതവും വീഴ്ത്തി. മറുപടി ബാറ്റിങ് ആരംഭിച്ച പീകിസ്ഥാൻ വെറും രണ്ട് വിക്കറ്റ് നഷ്ടത്തിൽ ലക്ഷ്യം മറികടന്നു. ഓപ്പണർ ഇമാം ഉൾ ഹഖ് (50) അർധശതകം നേടി.