74 റണ്‍സില്‍ ഓള്‍-ഔട്ട്; റെക്കോഡ് പരാജയം ഏറ്റുവാങ്ങി പാകിസ്ഥാന്‍

ഡനീഡെന്‍ ഏകദിനത്തില്‍ പാകിസ്ഥാനെ നിലംപരിശാക്കി ന്യൂസിലന്‍ഡ്. വെറും 74 റണ്‍സിന് പാകിസ്ഥാനെ പുറത്താക്കിയ ന്യൂസിലന്‍ഡ് 183 റണ്‍സിന്‍റെ വമ്പന്‍ ജയവും സ്വന്തമാക്കി. അഞ്ച് മത്സരങ്ങളുടെ പരമ്പര തീരാന്‍ 2 മത്സരങ്ങള്‍ ശേഷിക്കെ 3-0ത്തിന് പരമ്പരയും കിവികള്‍ നേടി.

ഒരവസരത്തില്‍ എട്ട് വിക്കറ്റിന് 35 റണ്‍സ് എന്ന നിലയില്‍ പാകിസ്ഥാന്‍ പരുങ്ങിയിരുന്നു. നിരങ്ങിനീങ്ങിയ പാകിസ്ഥാന്‍ പിന്നീട് തങ്ങളുടെ ഏറ്റവും ചെറിയ സ്കോര്‍ ആയ 43 മറികടന്നു. വെസ്റ്റ് ഇന്‍ഡീസിന് എതിരെ 1993ല്‍ ആണ് പാകിസ്ഥാന്‍ 43 റണ്‍സിന് എല്ലാവരും പുറത്തായത്.