82 വർഷം പഴക്കമുള്ള റെക്കോർഡ് തകർത്ത് പാക് ക്രിക്കറ്റർ

അബുദാബി: ടെസ്റ്റ് ക്രിക്കറ്റിൽ ഏറ്റവും വേഗത്തിൽ 200 വിക്കറ്റെടുക്കുന്ന താരമായി പാക് താരം യാസിർ ഷാ. 82 വർഷം പഴക്കമുള്ള റെക്കോർഡാണ് യാസിർ ഷാ തകർത്തത്. ന്യൂസിലൻറിനെതിരായ മൂന്നാം ടെസ്റ്റ് ക്രിക്കറ്റിലാണ് പാക് ലെഗ് സ്പിന്നർ റെക്കോർഡ് നേട്ടം സ്വന്തമാക്കിയത്.

ന്യൂസിലൻറ് താരം വിൽ സോമർവില്ലെയാണ് ഷായുടെ 200ാമത്തെ ഇര. 33 ടെസ്റ്റ് മത്സരങ്ങളിൽ നിന്നാണ് ഷാ 200 വിക്കറ്റുകൾ വീഴ്ത്തിയത്. 36 ടെസ്റ്റിൽ നിന്ന് ഈ നേട്ടം കൈവരിച്ച ഓസ്ട്രേലിയൻ ലെഗ് സ്പിന്നർ ക്ലാരി ഗ്രിമ്മെറ്റിൻെറ പേരിലുള്ള റെക്കാർഡാണ് ഷാ മാറ്റിയെഴുതിയത്.

ന്യൂസിലൻറിനെതിരെ മൂന്ന് ടെസ്റ്റ് മത്സരങ്ങളിൽ നിന്ന് 27 വിക്കറ്റുകളാണ് ഷാ വീഴ്ത്തിയത്. മൂന്നാം ടെസ്റ്റിൽ മാത്രം അദ്ദേഹം 14 വിക്കറ്റുകൾ പിഴുതു.