കൊൽക്കത്ത: ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റിൽ തകർപ്പൻ ക്യാച്ചെടുത്ത് അമ്പരപ്പിച്ച് രോഹിത് ശർമ. ഉമേഷ് യാദവിൻെറ പന്തിൽ ബംഗ്ലാദേശ് നായകൻ മോമിനുൾ ഹഖിൻെറ ക്യാച്ചാണ് രോഹിത് ഡൈവ് ചെയ്ത് മനോഹരമായി കൈപ്പിടിയിലൊതുക്കിയത്. ബംഗ്ലാദേശിൻെറ രണ്ടാം വിക്കറ്റായിരുന്നു ഇത്.
11ാം ഓവറിൻെറ രണ്ടാം പന്തിൽ ഉമേഷിനെ പ്രതിരോധിക്കാൻ ശ്രമിച്ച മോമിനുളിന് പാളി. പന്ത് ബാറ്റിൻെറ എഡ്ജിൽ തട്ടി പിന്നോട്ട്. ഫസ്റ്റ് സ്ലിപ്പിൽ ഫീൽഡ് ചെയ്യുകയായിരുന്ന നായകൻ വിരാട് കോലിയുടെ അടുത്തേക്കാണ് പന്ത് പോയത്. എന്നാൽ സെക്കൻറ് സ്ലിപ്പിൽ ഉണ്ടായിരുന്ന രോഹിത് ശർമ ഡൈവ് ചെയ്ത് മനോഹരമായി ക്യാച്ചെടുക്കുകയായിരുന്നു.
Also Read: റിഷഭ് പന്തിനെന്താ കൊമ്പുണ്ടോ, ഇനിയും എത്ര അവസരങ്ങൾ നൽകും ? സഞ്ജു സാംസണിനെ ഒഴിവാക്കിയതിനെതിരെ ആരാധകർ; ഒടുവിൽ പ്രതികരണവുമായി സഞ്ജുവും
വീഡിയോ കാണാം:
രോഹിതിൻെറ തകർപ്പൻ ഫീൽഡിങ് പ്രകടനത്തെ അഭിനന്ദിച്ച് ആരാധകരും രംഗത്തെത്തിയിട്ടുണ്ട്.
ബംഗ്ലാദേശിനെതിരെ ഇൻഡോറിൽ നടന്ന ഒന്നാം ക്രിക്കറ്റ് ടെസ്റ്റിൽ ഇന്ത്യ ഇന്നിങ്സ് വിജയം സ്വന്തമാക്കിയിരുന്നു. രണ്ടാം ടെസ്റ്റ് വിജയിച്ച് പരമ്പര തൂത്തുവാരുകയാണ് ടീമിൻെറ ലക്ഷ്യം.
Also Read: അന്ന് ഗാംഗുലിയെ ഒഴിവാക്കിയതിനെതിരെ പ്രതിഷേധിച്ചത് ഇങ്ങനെ; സഞ്ജുവിനെ തഴഞ്ഞതിൽ തിരുവനന്തപുരം പുത്തൻ പ്രതിഷേധത്തിന് സാക്ഷിയാവുമോ?!