കുറച്ച് നാളുകൾക്ക് മുൻപ് ഇന്ത്യൻ ക്രിക്കറ്റിലെ അടുത്ത വലിയ സംഭവമെന്ന് വിശേഷിപ്പിക്കപ്പെട്ട കളി കാരനായിരുന്നു പൃഥ്വി ഷാ (Prithvi Shaw) വെസ്റ്റിൻഡീസിനെതിരെ അരങ്ങേറ്റ ടെസ്റ്റിൽ ത്തന്നെ കിടിലൻ സെഞ്ചുറി നേടിയ താരം പക്ഷേ പിന്നീട് ഫോം നഷ്ടത്തെത്തുടർന്ന് ടീമിൽ നിന്ന് പുറത്താവുകയായിരുന്നു. ഇപ്പോളിതാ അഭ്യന്തര ക്രിക്കറ്റിൽ തുടർച്ചയായി മികച്ച സ്കോറുകൾ കണ്ടെത്തി വീണ്ടും ഇന്ത്യൻ സെലക്ടർമാരുടെ ശ്രദ്ധ ആകർഷിച്ചിരിക്കുകയാണ് ഈ യുവ ഓപ്പണർ. ദുലീപ് ട്രോഫിയിൽ (Duleep Trophy) മിന്നും ഫോമിൽ കളിക്കുന്ന പൃഥ്വി ഷാ ഈസ്റ്റ് സോണിനെതിരെ നടന്ന ക്വാർട്ടർ പോരാട്ടത്തിൽ കഴിഞ്ഞയാഴ്ച തകർപ്പൻ സെഞ്ചുറി നേടിയിരുന്നു. 121 പന്തുകളിൽ 11 ബൗണ്ടറികളുടേയും, 5 സിക്സറുകളുടേയും സഹായത്തോടെ ഏകദിനശൈലിയിലായിരുന്നു ഷായുടെ ശതകം. ക്വാർട്ടറിലെ മിന്നും ഫോം സെമിയിലും ആവർത്തിച്ച താരം ഇപ്പോളിതാ സെൻട്രൽ സോണിനെതിരെ നടന്നു കൊണ്ടിരിക്കുന്ന സെമിഫൈനലിലെ രണ്ടിന്നിംഗ്സിലും തകർപ്പൻ സ്കോർ കണ്ടെത്തിയിരിക്കുന്നു.
ആദ്യ ഇന്നിംഗ്സിൽ 78 പന്തിൽ നിന്ന് 10 ബൗണ്ടറികളുടെ സഹായത്തോടെ 60 റൺസ് നേടിയ ഷാ, രണ്ടാമിന്നിംഗ്സിൽ കിടിലൻ സെഞ്ചുറിയും നേടി. 140 പന്തുകളിൽ 15 ബൗണ്ടറികളും, 4 സിക്സറുകളും അടങ്ങിയതായിരുന്നു ഷായുടെ 142 റൺസ് ഇന്നിംഗ്സ്. ഷായുടെ ഉജ്ജ്വല പ്രകടനം മത്സരത്തിൽ വെസ്റ്റ് സോണിന് ആധിപത്യം നൽകിക്കഴിഞ്ഞു.
അതേ സമയം 2018 ഒക്ടോബറിൽ വെസ്റ്റിൻഡീസിനെതിരായ ടെസ്റ്റ് മത്സരത്തിൽ കളിച്ചു കൊണ്ട് അന്താരാഷ്ട്ര ക്രിക്കറ്റിൽ അരങ്ങേറിയ ഷാ കഴിഞ്ഞ വർഷം ജൂലൈയിലാണ് അവസാനമായി ഇന്ത്യൻ ജേഴ്സിയണിഞ്ഞത്. മോശം ഫോമിലായതോടെ, പ്രതിഭാധാരാളിത്തം കൊണ്ടു നിറഞ്ഞ ഇന്ത്യൻ ടീമിൽ (Indian cricket team) നിന്ന് ഷാക്ക് പുറത്ത് പോവേണ്ടി വരുകയായിരുന്നു. എന്നാൽ ഈ ഫോം തുടരുകയാണെങ്കിൽ അധികം വൈകാതെ തന്നെ ഷായ്ക്ക് ഇന്ത്യൻ ടീമിലേക്ക് തിരിച്ചെത്താൻ കഴിയും, പ്രത്യേകിച്ച് അടുത്തു തന്നെ ഇന്ത്യൻ ടീമിൽ വലിയ അഴിച്ചുപണികൾക്ക് സാധ്യതയുള്ളതിനാൽ.
ഇതു വരെ ഇന്ത്യക്കായി 5 ടെസ്റ്റുകളാണ് പൃഥ്വി ഷാ കളിച്ചിട്ടുള്ളത്. ഇതിൽ 42.38 ബാറ്റിംഗ് ശരാശരിയിൽ 339 റൺസാണ് അദ്ദേഹത്തിന്റെ സമ്പാദ്യം. ഏകദിനത്തിൽ 6 മത്സരങ്ങൾ കളിച്ചിട്ടുള്ള ഈ ഇരുപത്തിരണ്ടുകാരൻ 31.5 ബാറ്റിംഗ് ശരാശരിയിൽ 189 റൺസും നേടിയിട്ടുണ്ട്. ആക്രമണ ബാറ്റിംഗിന്റെ ആശാനായ പൃഥ്വി ഷായ്ക്ക്, ടെസ്റ്റിൽ 86.04 , ഏകദിനത്തിൽ 113.86 എന്നിങ്ങനെ സ്ട്രൈക്ക് റേറ്റുണ്ട്.
Read Latest Sports News and Malayalam Newsundefined
ആദ്യ ഇന്നിംഗ്സിൽ 78 പന്തിൽ നിന്ന് 10 ബൗണ്ടറികളുടെ സഹായത്തോടെ 60 റൺസ് നേടിയ ഷാ, രണ്ടാമിന്നിംഗ്സിൽ കിടിലൻ സെഞ്ചുറിയും നേടി. 140 പന്തുകളിൽ 15 ബൗണ്ടറികളും, 4 സിക്സറുകളും അടങ്ങിയതായിരുന്നു ഷായുടെ 142 റൺസ് ഇന്നിംഗ്സ്. ഷായുടെ ഉജ്ജ്വല പ്രകടനം മത്സരത്തിൽ വെസ്റ്റ് സോണിന് ആധിപത്യം നൽകിക്കഴിഞ്ഞു.
അതേ സമയം 2018 ഒക്ടോബറിൽ വെസ്റ്റിൻഡീസിനെതിരായ ടെസ്റ്റ് മത്സരത്തിൽ കളിച്ചു കൊണ്ട് അന്താരാഷ്ട്ര ക്രിക്കറ്റിൽ അരങ്ങേറിയ ഷാ കഴിഞ്ഞ വർഷം ജൂലൈയിലാണ് അവസാനമായി ഇന്ത്യൻ ജേഴ്സിയണിഞ്ഞത്. മോശം ഫോമിലായതോടെ, പ്രതിഭാധാരാളിത്തം കൊണ്ടു നിറഞ്ഞ ഇന്ത്യൻ ടീമിൽ (Indian cricket team) നിന്ന് ഷാക്ക് പുറത്ത് പോവേണ്ടി വരുകയായിരുന്നു. എന്നാൽ ഈ ഫോം തുടരുകയാണെങ്കിൽ അധികം വൈകാതെ തന്നെ ഷായ്ക്ക് ഇന്ത്യൻ ടീമിലേക്ക് തിരിച്ചെത്താൻ കഴിയും, പ്രത്യേകിച്ച് അടുത്തു തന്നെ ഇന്ത്യൻ ടീമിൽ വലിയ അഴിച്ചുപണികൾക്ക് സാധ്യതയുള്ളതിനാൽ.
ഇതു വരെ ഇന്ത്യക്കായി 5 ടെസ്റ്റുകളാണ് പൃഥ്വി ഷാ കളിച്ചിട്ടുള്ളത്. ഇതിൽ 42.38 ബാറ്റിംഗ് ശരാശരിയിൽ 339 റൺസാണ് അദ്ദേഹത്തിന്റെ സമ്പാദ്യം. ഏകദിനത്തിൽ 6 മത്സരങ്ങൾ കളിച്ചിട്ടുള്ള ഈ ഇരുപത്തിരണ്ടുകാരൻ 31.5 ബാറ്റിംഗ് ശരാശരിയിൽ 189 റൺസും നേടിയിട്ടുണ്ട്. ആക്രമണ ബാറ്റിംഗിന്റെ ആശാനായ പൃഥ്വി ഷായ്ക്ക്, ടെസ്റ്റിൽ 86.04 , ഏകദിനത്തിൽ 113.86 എന്നിങ്ങനെ സ്ട്രൈക്ക് റേറ്റുണ്ട്.
Read Latest Sports News and Malayalam Newsundefined