പൂനെ ടെസ്റ്റിൽ ദക്ഷിണാഫ്രിക്കയെ ഫോളോ ഓൺ ചെയ്യിച്ച് ഇന്ത്യ; പിറന്നത് പുതുചരിത്രം

പൂനെ: ദക്ഷിണാഫ്രിക്കക്ക് എതിരെ നാലാം ദിനം മത്സരം തുടങ്ങുമ്പോൾ ഇന്ത്യ ഫോളോ ഓൺ ചെയ്യിക്കുമോ എന്നതായിരുന്നു പ്രധാന ചോദ്യം. ദക്ഷിണാഫ്രിക്കയുടെ ഒന്നാം ഇന്നിങ്സ് 275 റൺസിന് അവസാനിച്ചിരുന്നു. ഇന്ത്യൻ നാകൻ വിരാട് കോലി ഒടുവിൽ ഫോളോ ചെയ്യിക്കാൻ തന്നെയാണ് തീരുമാനിച്ചത്.

കോലിയുടെ വിശ്വാസം കാക്കുന്ന പ്രകടനം തന്നെയാണ് ഇന്ത്യൻ ബൗളർമാർ പുറത്തെടുക്കുന്നത്. മത്സരത്തിൽ ദക്ഷിണാഫ്രിക്കയെ ഫോളോ ഓൺ ചെയ്യിച്ച കോലിയും സംഘവും രണ്ട് റെക്കോർഡുകൾ കൂടി സ്വന്തമാക്കി. ദക്ഷിണാഫ്രിക്കയെ ടെസ്റ്റ് ക്രിക്കറ്റിൽ ഇന്ത്യ ആദ്യമായാണ് ഫോളോ ഓൺ ചെയ്യിക്കുന്നത് എന്നതാണ് ഒന്നാമത്തേത്.

Read More: നാലാം ദിനം ദക്ഷിണാഫ്രിക്ക വിയർക്കുന്നു; ഫോളോ ഓൺ വഴങ്ങി, പിടി മുറുക്കി ഇന്ത്യ

മറ്റൊന്ന് 11 വർഷത്തിന് ശേഷം ദക്ഷിണാഫ്രിക്ക ടെസ്റ്റിൽ ആദ്യമായാണ് ഫോളോ ഓൺ വഴങ്ങുന്നത്. 2008ൽ ഇംഗ്ലണ്ടിനെതിരെയാണ് പോർട്ടീസ് ഫോളോ ഓൺ വഴങ്ങിയിരുന്നത്. അന്ന് പക്ഷേ അവർ മത്സരം സമനിലയിൽ ആക്കിയിരുന്നു.

Read More: ആദ്യം കോലിയുടെ വക, പിന്നീട് അതിലും മികച്ചത് സാഹയുടെ വക; അമ്പരപ്പിച്ച് ക്യാപ്റ്റനും കീപ്പറും!