​രാഹുൽ ദ്രാവിഡ്... ഇന്ത്യൻ ക്രിക്കറ്റിൻെറ ഒരേയൊരു വൻമതിൽ...

ഇന്ത്യ ലോകത്തിന് നൽകിയ ഏറ്റവും സാങ്കേതികത്തികവുള്ള ബാറ്റ്സ‍്‍മാൻ. മാന്യൻമാരുടെ കളിയിലെ അടിമുടി മാന്യനായ മനുഷ്യൻ. വിക്കറ്റ് കീപ്പറായും ക്യാപ്റ്റനായും ഇന്ത്യൻ ബാറ്റിങ് നിരയുടെ നട്ടെല്ലായും ഒരേ സമയത്ത് ഒരുപാട് ഉത്തരവാദിത്വങ്ങൾ കൂസലില്ലാതെ ഏറ്റെടുത്ത ക്രിക്കറ്റ‍ർ.

അതിനെല്ലാം ഉപരി ലോക ക്രിക്കറ്റിലെ ഏത് ബൗള‍ർക്ക് മുന്നിലും വിക്കറ്റ് കളയാതെ ചങ്കുറപ്പോടെ നിൽക്കുന്ന വൻമതിൽ. അങ്ങനെ ഒരൊറ്റ വൻമതിലേ ഇന്ത്യക്കുള്ളൂ... അതാണ് രാഹുൽ ദ്രാവിഡ്. 1996ൽ ക്രിക്കറ്റിൻെറ മെക്കയായ ലോർഡ്‍സിലാണ് ഇന്ത്യൻ ജഴ‍്‍സിയിൽ ദ്രാവിഡ് ആദ്യമായി കളിക്കളത്തിൽ ഇറങ്ങുന്നത്.

ടെസ്റ്റിൽ അദ്ദേഹത്തിനൊപ്പം ആദ്യ മത്സരത്തിനിറങ്ങിയ കൊൽക്കത്തക്കാരനായ ഇടംകയ്യൻ ബാറ്റ്സ്മാൻ സെഞ്ച്വറി നേടി. 95 റൺസ് നേടിയ രാഹുലിന് സെഞ്ച്വറി നഷ്ടമായി. സൗരവ് ഗാംഗുലിയായിരുന്നു ആ കൊൽക്കത്തക്കാരൻ. പിന്നീട് അസ്ഹറുദ്ദീൻെറ ക്യാപ്റ്റൻസിയിൽ ഇരുവരും ഇന്ത്യൻ ടീമിൻെറ അവിഭാജ്യ ഘടകമായി.

സച്ചിൻ, കുംബ്ലെ,ലക്ഷ്മൺ തുടങ്ങിയ ഇതിഹാസ താരങ്ങൾക്കൊപ്പം പിന്നീട് ഇന്ത്യൻ ടീമിൻെറ ടീമിൻെറ നായകസ്ഥാനത്ത് വരെ ഇരുവരുമെത്തി. ഗാംഗുലിക്ക് ശേഷം ഇന്ത്യയെ രാഹുൽ നയിച്ചു. ടെസ്റ്റ് ക്രിക്കറ്റിൽ ഇന്ത്യയുടെ ഏറ്റവും വിശ്വസ്തതയുള്ള താരമായിരുന്ന രാഹുൽ. പ്രതിസന്ധി ഘട്ടങ്ങളിൽ പലപ്പോഴും അദ്ദേഹം ടീമിനെ തോളിലേറ്റി.

ഇന്ത്യൻ ക്രിക്കറ്റിൻെറ വൻമതിൽ രാഹുൽ ദ്രാവിഡിൻെറ 45ാം ജൻമദിനമാണ് ഇന്ന്. ഇതാ രാഹുലിനെ കുറിച്ച് അധികം അറിയാത്ത അഞ്ച് കാര്യങ്ങൾ...

1. എെസിസിയുടെ മികച്ച ടെസ്റ്റ് പ്ലെയ‍റിനുള്ള പുരസ്കാരം ആദ്യമായി നേടിയത് രാഹുൽ ദ്രാവിഡാണ്

2. ക്രിക്കറ്റിൻെറ ഒരു ഫോ‍ർമാറ്റിൽ തൻെറ അരങ്ങേറ്റമത്സരവും അവസാനമത്സരവും കളിച്ച ലോകത്തിലെ ഏക താരമാണ് അദ്ദേഹം. 2011ൽ ഇംഗ്ലണ്ടിനെതിരെയായിരുന്നു രാഹുലിൻെറ ട്വൻറി20 അരങ്ങേറ്റം. രാജ്യാന്തര തലത്തിൽ പിന്നീട് അദ്ദേഹം ട്വൻറി20 കളിച്ചിട്ടില്ല.

3. 2004ലെ ഒരു ഓൺലൈൻ സ‍ർവേയിൽ ഇന്ത്യയിലെ ഏറ്റവും സെക്സിയസ്റ്റ് ആയ കായിക താരം എന്ന പുരസ്കാരം നേടിയത് ദ്രാവിഡാണ്. സാനിയ മി‍ർസയെയും യുവരാജ് സിങിനെയും പിന്തള്ളിയാണ് അദ്ദേഹം ഈ പുരസ്കാരം നേടിയത്.

4. ഇന്ത്യയുടെ ഏറ്റവും സാങ്കേതികത്തികവുള്ള താരമായ രാഹുലിൻെറ മികച്ച പ്രകടനം ടെസ്റ്റ് ക്രിക്കറ്റിലാണ്. എന്നാൽ ടെസ്റ്റിന് മുമ്പ് തന്നെ അദ്ദേഹം അരങ്ങേറ്റം നടത്തിയത് ഏകദിനത്തിലാണ്.

5.ക്രിക്കറ്റ് കളിച്ച് തുടങ്ങുന്നതിന് മുമ്പ് രാഹുലിന് ഹോക്കിയോടായിരുന്നു പ്രിയം. ക‍ർണാടകയുടെ സംസ്ഥാന ജൂനിയ‍ർ ഹോക്കി ടീം അംഗമായിരുന്നു അദ്ദേഹം.