ഇന്ത്യൻ ഏകദിന ടീമിൽ വമ്പൻ മാറ്റത്തിന് സാധ്യത; തീരുമാനമെടുക്കാൻ പോവുന്നത് കോച്ച് ദ്രാവിഡ്!!

ഇന്ത്യൻ ക്രിക്കറ്റ് ടീമിൻെറ മൂന്ന് ഫോർമാറ്റിലുമുള്ള ക്യാപ്റ്റൻ സ്ഥാനവുമായി ബന്ധപ്പെട്ട് ചർച്ചകൾ പുരോഗമിക്കുകയാണ്. ലോകകപ്പോടെ വിരാട് കോലി ടി20 ക്യാപ്റ്റൻ സ്ഥാനം ഒഴിഞ്ഞിട്ടുണ്ട്. ടെസ്റ്റിലും ഏകദിനത്തിലും മാത്രമാണ് കോലി ക്യാപ്റ്റനായി തുടരാൻ പോവുന്നത്. എന്നാൽ ലിമിറ്റഡ് ഓവർ ക്രിക്കറ്റിലെ രണ്ട് ഫോർമാറ്റിൽ രണ്ട് ക്യാപ്റ്റൻമാർ വേണ്ടെന്ന നിലപാടിലാണ് സെലക്ടർമാർ. ടെസ്റ്റിൽ കോലി തുടരുമ്പോൾ ഏകദിനത്തിലും ടി20യിലും രോഹിത് ക്യാപ്റ്റനാവണമെന്നാണ് സെലക്ടർമാർ താൽപ്പര്യപ്പെടുന്നത്.

ചേതൻ ശർമയുടെ അധ്യക്ഷതയിലുള്ള സെലക്ഷൻ കമ്മിറ്റി ഇനിയും ഇക്കാര്യത്തിൽ ചർച്ച നടത്തും. പരിശീലകൻ രാഹുൽ ദ്രാവിഡായിരിക്കും ഏകദിന ക്യാപ്റ്റൻസിയിൽ അന്തിമ തീരുമാനമെടുക്കുകയെന്നാണ് റിപ്പോർട്ട്. ന്യൂസിലൻഡിനെതിരെ നടക്കുന്ന ടി20 പരമ്പരയിലാണ് രോഹിത് ശർമ ആദ്യമായി ഫുൾ ടൈം ക്യാപ്റ്റൻസി നടക്കുന്നത്. ഓപ്പണർ കെഎൽ രാഹുലാണ് ടി20യിൽ ഇന്ത്യയുടെ പുതിയ ഉപനായകൻ. കിവീസിനെതിരായ ഒന്നാം ടെസ്റ്റിൽ അജിങ്ക്യ രഹാനെയാണ് ഇന്ത്യയെ നയിക്കുക. രണ്ടാം ടെസ്റ്റിൽ വിരാട് കോലി കളിക്കും.

ക്യാപ്റ്റൻ സ്ഥാനത്ത് നിന്ന് മാറി, വൈകാതെ കോലി ടി20 ക്രിക്കറ്റിൽ നിന്ന് വിരമിക്കുമെന്ന് മുൻ പാക് നായകൻ!!
ഇന്ത്യയുടെ ടി20 ടീം അംഗങ്ങള്‍: രോഹിത് ശര്‍മ, കെഎല്‍ രാഹുല്‍, ശ്രേയസ് അയ്യര്‍, സൂര്യകുമാര്‍ യാദവ്, റിഷഭ് പന്ത്, ഇഷാന്‍ കിഷന്‍, വെങ്കടേഷ് അയ്യര്‍, ഹര്‍ഷാല്‍ പട്ടേല്‍, ആവേശ് ഖാന്‍, റിതുരാജ് ഗെയ്ക്ക്‌വാദ്, യുസ്‌വേന്ദ്ര ചാഹല്‍, ആര്‍ അശ്വിന്‍, അക്‌സര്‍ പട്ടേല്‍, ഭുവനേശ്വര്‍ കുമാര്‍, ദീപക് ചാഹര്‍, മുഹമ്മദ് സിറാജ്.

ഇന്ത്യയുടെ ടെസ്റ്റ് ടീം അംഗങ്ങള്‍: അജിങ്ക്യ രഹാനെ, കെഎല്‍ രാഹുല്‍, മായങ്ക് അഗര്‍വാള്‍, ചേതേശ്വര്‍ പൂജാര, ശുഭ്മാന്‍ ഗില്‍, ശ്രേയസ് അയ്യര്‍, വൃദ്ധിമാന്‍ സാഹ, കെഎസ് ഭരത്, രവീന്ദ്ര ജഡേജ, ആര്‍ അശ്വിന്‍, അക്‌സര്‍ പട്ടേല്‍, ജയന്ത് യാദവ്, ഇശാന്ത് ശര്‍മ, ഉമേഷ് യാദവ്, മുഹമ്മദ് സിറാജ്, പ്രസിദ്ധ് കൃഷ്ണ.