വൻ ട്വിസ്റ്റ്, റിയാൻ പരാഗിന്റെ കാര്യത്തിൽ തീരുമാനമെടുത്ത് രാജസ്ഥാൻ? താരം ടീമിൽ തുടർന്നേക്കും

കഴിഞ്ഞ ഐപിഎൽ സീസണിൽ രാജസ്ഥാൻ റോയൽസ് (Rajasthan Royals) ഫൈനലിലെത്തിയെങ്കിലും ടീമിൽ ഏറ്റവും കൂടുതൽ വിമർശനങ്ങൾക്ക് പാത്രമായ താരമായിരുന്നു റിയാൻ പരാഗ്. സീസണിലെ ഭൂരിഭാഗം മത്സരങ്ങളിലും നിരാശപ്പെടുത്തിയെങ്കിലും പരാഗിന് (Riyan Parag) വലിയ പിന്തുണയാണ് രാജസ്ഥാൻ മാനേജ്മെന്റ് നൽകിയത്. ഇത് ആരാധകരോഷത്തിന് ഇടയാക്കുകയും ചെയ്തിരുന്നു.

സീസൺ പുരോഗമിക്കുന്തോറും പരാഗിനെ രാജസ്ഥാൻ, അവരുടെ ടീമിൽ നിന്ന് ഒഴിവാക്കണമെന്ന ആരാധക ആവശ്യം ശക്തമായി. എന്നാൽ ഇത് ചെവിക്കൊള്ളാൻ തയ്യാറാകാതിരുന്ന മാനേജ്മെന്റ് വീണ്ടും വീണ്ടും അദ്ദേഹത്തിന് അവസരങ്ങൾ നൽകിക്കൊണ്ടിരുന്നു‌. വരാനിരിക്കുന്ന സീസണിലെ താരലേലത്തിന് മുൻപെങ്കിലും താരത്തെ രാജസ്ഥാൻ ഒഴിവാക്കുമെന്ന് ആരാധകർ കരുതിയെങ്കിലും അതും സംഭവിക്കില്ലെന്ന വാർത്തയാണ് പുറത്ത് വരുന്നത്.
ആരാധകരെ ഞെട്ടിച്ച് ഡല്‍ഹി കാപ്പിറ്റല്‍സ്, 10 കോടിക്ക് മുകളില്‍ നല്‍കി വാങ്ങിയ ഇന്ത്യന്‍ താരത്തെ വിറ്റുഅടുത്ത ഐപിഎൽ താരലേലത്തിന് മു‌ൻപ് ടീമുകൾക്ക് താരങ്ങളെ നിലനിർത്താനുള്ള അവസാന തീയതി ഇന്ന് അവസാനിക്കുകയാണ്. ഇന്നത്തോടെ (15/11/2022) ബിസിസിഐക്ക് നിലനിർത്തിയ താരങ്ങളുടെ പട്ടിക, ഫ്രാഞ്ചൈസികൾ നൽകേണ്ടതുണ്ട്. ഒഴിവാക്കാൻ രാജസ്ഥാൻ നിശ്ചയിച്ചിരിക്കുന്ന താരങ്ങളിൽ റിയാൻ പരാഗിന്റെ പേരില്ലെന്നാണ് സൂചന. ഇതോടെ അടുത്ത സീസണിലും പരാഗ് സഞ്ജുവിന്റെ കീഴിൽ ഐപിഎല്ലിൽ കളിച്ചേക്കുമെന്ന് ഉറപ്പായിട്ടുണ്ട്. കഴിഞ്ഞ സീസണിൽ പാടേ നിരാശപ്പെടുത്തിയ പരാഗ് ടീമിൽ തുടർന്നേക്കുമെന്നത് ആരാധകർക്ക് അത്ര ദഹിച്ചിട്ടില്ല. വലിയ ആശ്ചര്യം സമ്മാനിക്കുന്ന വാർത്ത കൂടിയാണിത്.
രണ്ട് വിദേശ താരങ്ങളെ ട്രേഡിംഗിലൂടെ സ്വന്തമാക്കി കൊൽക്കത്ത നൈറ്റ് റൈഡേഴ്സ്, വമ്പൻ നീക്കംഅതേ സമയം കഴിഞ്ഞ ഐപിഎൽ താരലേലത്തിൽ 3.8 കോടി രൂപക്ക് രാജസ്ഥാൻ റോയൽസ് സ്വന്തമാക്കിയ താരമാണ് റിയാൻ പരാഗ്. ഗുജറാത്ത് ടൈറ്റൻസുമായി നടത്തിയ ശക്തമായ ലേലം വിളിക്ക് ഒടുവിലായിരുന്നു പരാഗിനെ രാജസ്ഥാൻ സ്വന്തമാക്കിയത്. 30 ലക്ഷം അടിസ്ഥാന വിലയിൽ നിന്ന് 3.8 കോടി രൂപയിലാണ് പരാഗിന്റെ വിളി നിന്നത്. വലിയ പ്രതീക്ഷകളോടെ സ്വന്തമാക്കിയ രാജസ്ഥാന് വേണ്ടി അത്ര മികച്ച പ്രകടനങ്ങൾ നടത്താൻ അദ്ദേഹത്തിന്‌ പക്ഷേ ആയിരുന്നില്ല. റോയൽസ് ഐപിഎൽ ഫൈനൽ കളിച്ച സീസണിൽ 17 കളികളിൽ ജേഴ്സിയണിഞ്ഞ താരം 16.64 ബാറ്റിംഗ് ശരാശരിയിൽ 183 റൺസായിരുന്നു സീസണിൽ നേടിയത്.

Read Latest Sports News and Malayalam Newsundefined