രഞ്ജി ട്രോഫിയിൽ ഹാട്രിക്ക്: ഗുർബാനി ഇന്ത്യയുടെ പുതിയ പ്രതീക്ഷ

ഇൻഡോർ: രഞ്ജി ട്രോഫി ക്രിക്കറ്റ് ഫൈനലിൽ ഹാട്രിക് നേടി ചരിത്ര നേട്ടവുമായി വിദർഭ പേസർ രജ്‍നീഷ് ഗു‍ർബാനി. ഡൽഹിയുടെ വികാസ് മിശ്ര, നവദീപ് സാഹ്നി, ധ്രുവ് ഷോറെ എന്നിവരുടെ വിക്കറ്റുകളാണ് ഗു‍ർബാനി വീഴ്ത്തിയത്. രഞ്ജി ട്രോഫി ഫൈനലിൽ ഹാട്രിക് നേടുന്ന രണ്ടാമത്തെ താരം എന്ന റെക്കോ‍ർഡും അദ്ദേഹം സ്വന്തമാക്കി.

1972-73ൽ തമിഴ്നാടിൻെറ കല്യാണ സുന്ദരമാണ് നേരത്തെ രഞ്ജി ഫൈനലിൽ ഹാട്രിക് നേടിയിരുന്നത്. മുംബൈക്കെതിരെയായിരുന്നു അദ്ദേഹത്തിൻെറ പ്രകടനം. ഹാട്രിക്കടക്കം ആറ് വിക്കറ്റുകളാണ് ഗുർബാനി ഫൈനലിൽ പിഴുതത്. ഇന്ത്യൻ ക്രിക്കറ്റിൻെറ പുതിയ പ്രതീക്ഷയെന്നാണ് പല മുതി‍ർന്ന താരങ്ങളും വിദ‍ർഭ പേസറെ വിശേഷിപ്പിക്കുന്നത്.