രഞ്ജി ട്രോഫി: പഞ്ചാബിനെതിരെ എംഡി നിധീഷിന് 7 വിക്കറ്റ്, രണ്ടാം ഇന്നിങ്സിൽ കേരളം തകരുന്നു

പഞ്ചാബിനെതിരെ നടക്കുന്ന രഞ്ജി ട്രോഫി മത്സരത്തിൻെറ രണ്ടാം ഇന്നിങ്സിൽ കേരളത്തിന് ബാറ്റിങ് തകർച്ച. നേരത്തെ ഒന്നാം ഇന്നിങ്സിൽ കേരളം 227 റൺസിന് എല്ലാവരും പുറത്തായിരുന്നു. 91 റൺസെടുത്ത സൽമാൻ നിസാർ ആണ് കേരളത്തിൻെറ ടോപ് സ്കോറർ ആയത്. റോബിൻ ഉത്തപ്പ 53 പന്തിൽ നിന്ന് 48 റൺസെടുത്തു.

പഞ്ചാബിനായി സിദ്ദാർഥ് കൗൾ, ബൽതേജ് സിങ്, വിഎൽ ചൗധരി എന്നിവർ മൂന്ന് വിക്കറ്റുകൾ വീഴ്ത്തിയിരുന്നു. എന്നാൽ രണ്ടാം ഇന്നിങ്സിൽ പഞ്ചാബിനെ പെട്ടെന്ന് പുറത്താക്കാൻ കേരളത്തിന് സാധിച്ചു. 218 റൺസിനാണ് പഞ്ചാബ് ഒന്നാം ഇന്നിങ്സിൽ പുറത്തായത്. കേരളത്തിനായി പേസർ എംഡി നിധീഷ് 7 വിക്കറ്റുകൾ വീഴ്ത്തി.

Also Read: നാല് വർഷത്തിന് ശേഷം കളിക്കാൻ കിട്ടിയത് രണ്ട് പന്ത്, പിന്നാലെ പുറത്താക്കൽ; സഞ്ജുവിനെ ഒഴിവാക്കിയതിൽ വിമർശനവുമായി ആരാധകർ

എന്നാൽ മത്സരത്തിലെ നേരിയ മേൽക്കൈ മുതലാക്കാൻ രണ്ടാം ഇന്നിങ്സിൽ കേരളത്തിന് സാധിച്ചില്ല. ബാറ്റിങ് തകർച്ച നേരിടുന്ന കേരളത്തിന് 88 റൺസെടുക്കുന്നതിനിടെ തന്നെ 5 വിക്കറ്റുകൾ നഷ്ടമായി. റോബിൻ ഉത്തപ്പ റണ്ണൊന്നുമെടുക്കാതെയും സച്ചിൻ ബേബി 10 റൺസെടുത്തും പുറത്തായി.