നാഗ്പൂർ: രഞ്ജി ട്രോഫി ക്രിക്കറ്റിൽ നിലവിലുള്ള ചാമ്പ്യൻമാരായ വിദർഭയ്ക്ക് തുടർച്ചയായ രണ്ടാം കിരീടം. വ്യാഴാഴ്ച നടന്ന മത്സരത്തിൽ കരുത്തരായ സൗരാഷ്ട്രയെയാണ് വിദർഭ 78 റൺസിന് പരാജയപ്പെടുത്തിയത്. 206 റൺസ് പിന്തുടർന്ന് ബാറ്റ് ചെയ്ത സൗരാഷ്ട്ര വെറും 127 റൺസിന് എല്ലാവരും പുറത്താവുകയായിരുന്നു. ഇടംകയ്യൻ സ്പിന്നർ ആദിത്യ സർവാതെയാണ് കളിയിലെ താരമായത്. 24 ഓവറുകൾ എറിഞ്ഞ് ആറ് വിക്കറ്റുകളാണ് അദ്ദേഹം രണ്ടാം ഇന്നിങ്സിൽ വീഴ്ത്തിയത്. ആദ്യ ഇന്നിങ്സിൽ അഞ്ച് വിക്കറ്റുകളും അദ്ദേഹം വീഴ്ത്തി.
സൗരാഷ്ട്രക്ക് വേണ്ടി ഇറങ്ങിയ ഇന്ത്യയുടെ ടെസ്റ്റ് സ്പെഷ്യലിസ്റ്റ് ബാറ്റ്സ്മാൻ ചേതേശ്വർ പൂജാര നിരാശപ്പെടുത്തി. രണ്ട് ഇന്നിങ്സുകളിലും അദ്ദേഹം പെട്ടെന്ന് തന്നെ പുറത്തായി.
സൗരാഷ്ട്രക്ക് വേണ്ടി ഇറങ്ങിയ ഇന്ത്യയുടെ ടെസ്റ്റ് സ്പെഷ്യലിസ്റ്റ് ബാറ്റ്സ്മാൻ ചേതേശ്വർ പൂജാര നിരാശപ്പെടുത്തി. രണ്ട് ഇന്നിങ്സുകളിലും അദ്ദേഹം പെട്ടെന്ന് തന്നെ പുറത്തായി.