ഐസിസി സമിതിയില്‍ നിന്നും രവി ശാസ്ത്രി രാജിവെച്ചു

ന്യൂഡൽഹി: മുന്‍ ഇന്ത്യന്‍ ക്യാപ്റ്റന്‍ രവി ശാസ്ത്രി ഐ സി സി സമിതിയില്‍ നിന്നും രാജിവെച്ചു. കഴിഞ്ഞ ആറ് വര്‍ഷമായി കമ്മിറ്റി അംഗമാണ് ശാസ്ത്രി. ഇന്ത്യന്‍ കോച്ച് അനില്‍ കുംബ്ലെയാണ് ഐ സി സി ക്രിക്കറ്റ് കമ്മിറ്റി ചെയര്‍മാന്‍.

ഐ.സി.സി ചെയര്‍മാന്‍ ശശാങ്ക് മനോഹറിനോട് കമ്മിറ്റിയില്‍ നിന്ന് താന്‍ രാജി വക്കുകയാണെന്ന് നേരത്തെ തന്നെ രവി ശാസ്ത്രി അറിയിച്ചിരുന്നു.കുംബ്ലെ രാജിവെക്കുന്ന സാഹചര്യം ഉണ്ടായാല്‍ പകരം ഗാംഗുലി ചെയര്‍മാനായേക്കും എന്നും അഭ്യൂഹങ്ങളുണ്ട്. ജൂലൈ രണ്ടിന് നടക്കുന്ന ഐ സി സി യോഗത്തില്‍ ഇക്കാര്യങ്ങളില്‍ തീരുമാനം ഉണ്ടായേക്കും.