ധോണിക്ക് പകരം വെക്കാവുന്ന ഒരാളും ഇന്ന് ക്രിക്കറ്റിലില്ല: ശാസ്ത്രി

കൊൽക്കത്ത: മഹേന്ദ്ര സിങ് ധോണിയെ വിമർശിക്കുന്നവർക്കെതിരെ ഇന്ത്യൻ കോച്ച് രവി ശാസ്ത്രി. രണ്ട് തവണ ലോകകിരീടം ഇന്ത്യക്ക് സമ്മാനിച്ച ഒരു ക്യാപ്റ്റനെ വിമർശിക്കുന്നവർ സ്വന്തം കരിയറിനെ കുറിച്ച് ചിന്തിക്കണമെന്ന് അദ്ദേഹം പറഞ്ഞു.

"ധോണിയ വിമർശിക്കുന്നവർ അവരവരുടെ കരിയറിനെ കുറിച്ച് ഓർക്കുന്നത് നല്ലതാണ്. അദ്ദേഹത്തെ പോലൊരു താരം ടീമിൻെറ ഏറ്റവും അവിഭാജ്യ ഘടകമാണ്. ധോണിയ പോലൊരു ഇതിഹാസ താരത്തിന് പിന്തുണ നൽകുകയെന്നത് ടീമിൻെറയും കടമയാണ്." ശാസ്ത്രി പറഞ്ഞു.

ധോണി ടി20 മത്സരങ്ങൾ അവസാനിപ്പിച്ച് യുവതാരങ്ങൾക്ക് വഴി മാറി കൊടുക്കണമെന്ന് മുൻ താരങ്ങളായ അജിത്ത് അഗാർക്കർ, വിവിഎസ് ലക്ഷ്മൺ എന്നിവർ നേരത്തെ അഭിപ്രായപ്പെട്ടിരുന്നു. ധോണിക്ക് പകരം വെക്കാൻ പറ്റുന്ന മറ്റൊരു താരവും ഇന്ന് ഇന്ത്യൻ ക്രിക്കറ്റിൽ ഇല്ലെന്നും രവി ശാസ്ത്രി കൂട്ടിച്ചേർത്തു.