ലോകക്രിക്കറ്റിലെ ഏറ്റവും മികച്ച രണ്ട് ഫീൽഡർമാർ ആരെന്ന് പ്രഖ്യാപിച്ച് ജോണ്ടി റോഡ‍്‍സ്, ഒരാൾ ഇന്ത്യൻ താരം

ന്യൂഡൽഹി: ലോക ക്രിക്കറ്റിൽ നിലവിലുള്ള ഏറ്റവും മികച്ച രണ്ട് ഫീൽഡർമാർ ആരെല്ലാമെന്ന് വെളിപ്പെടുത്തി മുൻ ദക്ഷിണാഫ്രിക്കൻ താരം ജോണ്ടി റോഡ‍്‍സ്. ലോകം കണ്ട എക്കാലത്തെയും മികച്ച ഫീൽഡറായാണ് റോഡ‍്‍സ് വിശേഷിപ്പിക്കപ്പെടുന്നത്. താരത്തിൻെറ അഭിപ്രായത്തിൽ ന്യൂസിലൻറിൻെറ മാർട്ടിൻ ഗപ‍്‍ടിലും ഇന്ത്യയുടെ രവീന്ദ്ര ജഡേജയുമാണ് ഇന്ന് ലോകത്തിലെ ഏറ്റവും മികച്ച രണ്ട് ഫീൽഡർമാർ.

തനിക്ക് ഏറ്റവും പ്രിയപ്പെട്ട ഇന്ത്യൻ ഫീൽഡർ സുരേഷ് റെയ്നയാണെന്നും റോഡ‍്‍സ് പറഞ്ഞു. ലോകത്തെ ഏറ്റവും മികച്ച ഫീൽഡർമാരിൽ ഒരാളായാണ് റെയ്നയെ റോഡ‍്‍സ് പരിഗണിക്കുന്നത്. ലോക ക്രിക്കറ്റിൽ ഇക്കാര്യത്തിൽ ഇന്ന് ഏറ്റവും മികച്ചത് ഗപ‍്‍ടിലാണ്. തൊട്ട് പിറകിലായാണ് രവീന്ദ്ര ജഡേജയുടെ സ്ഥാനമെന്നും അദ്ദേഹം പറഞ്ഞു.

Read More: ആദ്യം ബഹുമാനിക്കാൻ പഠിക്കൂ... സഹീ‍ർ ഖാന് പിറന്നാൾ ആശംസ നേ‍ർന്ന പാണ്ഡ്യയോട് ആരാധക‍ർ

2018ൽ ഇംഗ്ലണ്ടിനെതിരെയാണ് സുരേഷ് റെയ്ന അവസാനമായി ഇന്ത്യക്ക് വേണ്ടി കളിച്ചത്. ടി20യിൽ ഇന്ത്യക്ക് വേണ്ടി നാലാം നമ്പർ ബാറ്റിങ് പൊസിഷനിൽ കളിക്കാൻ ആഗ്രഹമുണ്ടെന്ന് റെയ്ന ഈയടുത്ത് പറഞ്ഞിരുന്നു. ഒരു ദേശീയ മാധ്യമത്തിന് നൽകിയ അഭിമുഖത്തിലാണ് റോഡ‍്‍സിൻെറ വെളിപ്പെടുത്തൽ.

ഫീൽഡിൽ ഏറെ ഊർജ്ജസ്വലനായ ക്രിക്കറ്ററാണ് രവീന്ദ്ര ജഡേജ. കൈകളാണ് ഫീൽഡിൽ ജഡേജയുടെ ആയുധം. വേഗതയാണ് ഗപ‍്‍ടിലിൻെറ കരുത്ത്. തൻെറ അരികിലൂടെ പോവുന്നതെന്തും ഗപ‍്‍ടിൽ കൈപ്പിടിയിലൊതുക്കുമെന്നും ജോണ്ടി റോഡ‍്‍സ് പറഞ്ഞു. ശാാരീരിക ക്ഷമതയുടെ കാര്യത്തിൽ റെയ്ന ഇപ്പോൾ അൽപം പിന്നിലാണെങ്കിലും അദ്ദേഹത്തെ പോലെ മികച്ച ഫീൽഡർമാർ ഇന്ന് ലോകക്രിക്കറ്റിൽ അധികമില്ലെന്നും റോഡ‍്‍സ് കൂട്ടിച്ചേർത്തു.

Read More: ഇത് വീരുവിനും മേലെ, രോഹിതിന് റെക്കോർഡിന് മേൽ റെക്കോർഡുകൾ; ഓപ്പണറായി അരങ്ങേറ്റത്തിൽ മറി കടന്നത് ഇതിഹാസ താരങ്ങളെ!!