സിഡ്നി: ഓസ്ട്രേലിയക്കെതിരായ ഏകദിന പരമ്പരക്കുള്ള ഇന്ത്യൻ ടീമിൽ ഋഷഭ് പന്തിനെ ഉൾപ്പെടുത്തണമെന്ന് മുൻ ഇംഗ്ലണ്ട് നായകൻ മൈക്കൽ വോഗൻ. ആദ്യമത്സരം ഇന്ത്യ പരാജയപ്പെട്ടതിന് ശേഷമാണ് വോഗൻെറ ട്വീറ്റ്. നിലവിൽ പന്ത് ഇന്ത്യൻ ടീമിലില്ല. എന്നാൽ ബാറ്റ്സ്മാൻ എന്ന നിലയിലെങ്കിലും താരത്തെ ടീമിൽ ഉൾപ്പെടുത്തണമെന്നാണ് വോഗൻ പറയുന്നത്. ഓസ്ട്രേലിയക്കെതിരായ സിഡ്നി ഏകദിനത്തിൽ 34 റൺസിനാണ് ഇന്ത്യ പരാജയപ്പെട്ടത്. മുൻനിര ബാറ്റ്സ്മാൻമാർ പരാജയപ്പെട്ടതാണ് ഇന്ത്യയുടെ തോൽവിക്ക് കാരണമായത്. രോഹിത് ശർമ്മയുടെ സെഞ്ച്വറിക്ക് ഇന്ത്യയെ രക്ഷിക്കാനായില്ല. എംഎസ് ധോണിയുടെ അർധശതകം ആവട്ടെ നിരവധി പന്തുകൾ നേരിട്ടായിരുന്നു.
ഓസ്ട്രേലിയക്കെതിരായ നാലാം ടെസ്റ്റിൽ പന്ത് സെഞ്ച്വറി നേടിയിരുന്നു. എംഎസ് ധോണിയാണ് നിലവിൽ ഏകദിനത്തിൽ ഇന്ത്യയുടെ ഒന്നാം വിക്കറ്റ് കീപ്പർ. ദിനേശ് കാർത്തിക്കും ടീമിലുണ്ടെങ്കിലും പന്തിനെ ഉൾപ്പെടുത്തിയില്ല. സിഡ്നി ഏകദിനത്തിൽ പന്തിനെ പോലൊരു താരത്തിൻെറ അഭാവം പ്രകടമായിരുന്നു.
ഓസ്ട്രേലിയക്കെതിരായ നാലാം ടെസ്റ്റിൽ പന്ത് സെഞ്ച്വറി നേടിയിരുന്നു. എംഎസ് ധോണിയാണ് നിലവിൽ ഏകദിനത്തിൽ ഇന്ത്യയുടെ ഒന്നാം വിക്കറ്റ് കീപ്പർ. ദിനേശ് കാർത്തിക്കും ടീമിലുണ്ടെങ്കിലും പന്തിനെ ഉൾപ്പെടുത്തിയില്ല. സിഡ്നി ഏകദിനത്തിൽ പന്തിനെ പോലൊരു താരത്തിൻെറ അഭാവം പ്രകടമായിരുന്നു.