ഇന്ത്യയുടെ യുവ വിക്കറ്റ് കീപ്പർ ബാറ്റർ ഋഷഭ് പന്തിന് വാഹനാപകടത്തിൽ പരിക്ക്. ഇന്ന് രാവിലെ ഡെൽഹിയിൽ നിന്ന് ഉത്തരാഖണ്ഡിലേക്കുള്ള യാത്രക്കിടെയാണ് താരത്തിന്റെ കാർ അപകടത്തിൽപ്പെട്ടത്. താരം സഞ്ചരിച്ച കാർ ഡിവൈഡറിൽ ഇടിക്കുകയായിരുന്നുവെന്നാണ് പുറത്ത് വരുന്ന റിപ്പോർട്ടുകൾ. തുടർന്ന് കാർ കത്തിയെന്നും റിപ്പോർട്ടുകളിൽ പറയുന്നു.
അപകടത്തിൽ ഗുരുതരമായി പരിക്കേറ്റ പന്തിനെ ആദ്യം റൂർക്കി ആശുപത്രിയിലും, അവിടെ നിന്ന് ഡെറാഡൂണിലേക്ക് മാറ്റിയെന്നുമാണ് റിപ്പോർട്ട്. താരം അപകടനില തരണം ചെയ്തെന്ന് റിപ്പോർട്ടുകളുണ്ടെങ്കിലും പരിക്കിന്റെ വ്യാപ്തി എത്രത്തോളമുണ്ടെന്ന് വ്യക്തമായിട്ടില്ല. താരത്തെ ഉടനടി പ്ലാസ്റ്റിക്ക് സർജറിക്ക് വിധേയനാക്കിയെന്നാണ് ലഭിക്കുന്ന വിവരം.
ഇന്ന് പുലർച്ചെ 5.30 ഓടേ പന്തിന്റെ കാർ അപകടത്തിൽപ്പെട്ടെന്നാണ് ഉത്തരാഖണ്ഡ് ഡിജിപി അശോക് കുമാർ വ്യക്തമാക്കിയത്. റൂർക്കിക്ക് അടുത്തുള്ള മൊഹമ്മദ്പുർ ജറ്റ് എന്ന സ്ഥലത്ത് വെച്ചായിരുന്നു അപകടം. പന്തായിരുന്നു വണ്ടി ഓടിച്ചിരുന്നതെന്നും ഡ്രൈവിംഗിനിടെ താരം ഉറങ്ങിപ്പോയതോടെ നിയന്ത്രണം നഷ്ടമായ വണ്ടി ഡിവൈഡറിൽ ഇടിക്കുകയായിരുന്നുവെന്നുമാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. അപകടം നടക്കുന്ന സമയത്ത് പന്ത് മാത്രമായിരുന്നു കാറിലുണ്ടായിരുന്നത്. തീപിടിച്ച കാറിന്റെ വിൻഡ് സ്ക്രീൻ പൊളിച്ചാണ് പന്തിനെ പുറത്തെടുത്തത്. അപകടത്തിൽ പന്തിന്റെ കാലിനും നെറ്റിക്കും പരിക്കേറ്റതായാണ് ഡോക്ടർമാർ നൽകുന്ന വിവരം. അപകടവിവരമറിഞ്ഞ് എസ് പി ദേഹത് സ്വപ്ന കിഷോർ സിംഗ് സ്ഥലത്തെത്തി. വരും മണിക്കൂറുകളിൽ താരത്തിന്റെ ആരോഗ്യസ്ഥിതിയെക്കുറിച്ചുള്ള ഏറ്റവും പുതിയ വിവരങ്ങൾ പുറത്ത് വരുമെന്നാണ് കരുതപ്പെടുന്നത്.
ശ്രീലങ്കക്കെതിരായ പരമ്പരയിൽ പന്ത് ടീമിലില്ല
അതേ സമയം നിലവിൽ ടീം ഇന്ത്യയുടെ ഒന്നാം നമ്പർ വിക്കറ്റ് കീപ്പറായ ഋഷഭ് പന്തിനെ, ശ്രീലങ്കക്കെതിരായ ഏകദിന, ടി20 പരമ്പരകൾക്കുള്ള ഇന്ത്യൻ ടീമിൽ സെലക്ടർമാർ ഉൾപ്പെടുത്തിയിരുന്നില്ല. പന്തിനെ ടീമിൽ ഉൾപ്പെടുത്താതിരുന്നതിന്റെ കാരണം ബിസിസിഐ പത്രക്കുറിപ്പിൽ വ്യക്തമാക്കാതിരുന്നത് അദ്ദേഹത്തെ ടീമിൽ നിന്ന് ഒഴിവാക്കിയതാണോയെന്ന സംശയം ആരാധകരിൽ ജനിപ്പിച്ചിരുന്നു. നേരത്തെ ബംഗ്ലാദേശിനെതിരെ നടന്ന ഏകദിന പരമ്പരയിലും ഋഷഭ് പന്ത് കളിച്ചിരുന്നില്ല. എന്നാൽ രണ്ട് മത്സര ടെസ്റ്റ് പരമ്പരക്ക് മുന്നോടിയായി വിശ്രമം ലഭിക്കുന്നതിന് വേണ്ടിയായിരുന്നു ഏകദിനത്തിൽ നിന്ന് പന്തിനെ മാറ്റിനിർത്തിയത്.
Read Latest Sports News and Malayalam News
ശ്രീലങ്കക്കെതിരായ പരമ്പരയിൽ പന്ത് ടീമിലില്ല
അതേ സമയം നിലവിൽ ടീം ഇന്ത്യയുടെ ഒന്നാം നമ്പർ വിക്കറ്റ് കീപ്പറായ ഋഷഭ് പന്തിനെ, ശ്രീലങ്കക്കെതിരായ ഏകദിന, ടി20 പരമ്പരകൾക്കുള്ള ഇന്ത്യൻ ടീമിൽ സെലക്ടർമാർ ഉൾപ്പെടുത്തിയിരുന്നില്ല. പന്തിനെ ടീമിൽ ഉൾപ്പെടുത്താതിരുന്നതിന്റെ കാരണം ബിസിസിഐ പത്രക്കുറിപ്പിൽ വ്യക്തമാക്കാതിരുന്നത് അദ്ദേഹത്തെ ടീമിൽ നിന്ന് ഒഴിവാക്കിയതാണോയെന്ന സംശയം ആരാധകരിൽ ജനിപ്പിച്ചിരുന്നു. നേരത്തെ ബംഗ്ലാദേശിനെതിരെ നടന്ന ഏകദിന പരമ്പരയിലും ഋഷഭ് പന്ത് കളിച്ചിരുന്നില്ല. എന്നാൽ രണ്ട് മത്സര ടെസ്റ്റ് പരമ്പരക്ക് മുന്നോടിയായി വിശ്രമം ലഭിക്കുന്നതിന് വേണ്ടിയായിരുന്നു ഏകദിനത്തിൽ നിന്ന് പന്തിനെ മാറ്റിനിർത്തിയത്.
Read Latest Sports News and Malayalam News