ഓപ്പണർമാർ
ഇന്ത്യയുടെ രോഹിത് ശ‍ർമയും ഓസ്ട്രേലിയയുടെ മാർനസ് ലാബുഷെയ്നുമാണ് ടീമിൻെറ ഓപ്പണർമാർ. ദക്ഷിണാഫ്രിക്കക്കെതിരെ ടെസ്റ്റിൽ ഓപ്പണറായി അരങ്ങേറിയത് മുതൽ തക‍ർപ്പൻ ഫോമിലാണ് രോഹിത്. ലാബുഷെയ്ൻ ഓസ്ട്രേലിയക്കായി മൂന്നാം നമ്പറിലാണ് ഇറങ്ങുന്നത്. എന്നാൽ ചാമ്പ്യൻഷിപ്പിലെ ടോപ് സ്കോററായ ലാബുഷെയ്ൻ ഇവിടെ ഓപ്പണറായി എത്തുകയാണ്. 1675 റൺസാണ് താരം ആകെ നേടിയത്.
(AP/PTI)
മധ്യനിര
നിലവിലെ ലോക ക്രിക്കറ്റിലെ ഏറ്റവും മികച്ച മൂന്ന് ടെസ്റ്റ് ബാറ്റ്സ്മാൻമാരാണ് മധ്യനിരയിലുള്ളത്. ഓസ്ട്രേലിയയുടെ മുൻ നായകൻ സ്റ്റീവ് സ്മിത്ത് ഗംഭീര ഫോമിലായിരുന്നു. കിവീസിനെ കിരീടനേട്ടത്തിലെത്തിച്ചത് നായകൻ കെയ്ൻ വില്യംസണിൻെറ ബാറ്റിങ് പ്രകടനം കൂടിയാണ്. ഇന്ത്യൻ നായകൻ വിരാട് കോലിയും മധ്യനിരയിൽ സ്ഥാനം പിടിക്കുന്നു. ഇംഗ്ലണ്ടിൻെറ ബെൻ സ്റ്റോക്സാണ് ടീമിലെ ഏക ഓൾറൗണ്ട‍ർ. ഓസ്ട്രേലിയക്കെതിരെ ഇന്ത്യയുടെ ടെസ്റ്റ് പരമ്പര വിജയം മുതൽ ടീമിൻെറ നട്ടെല്ലായ റിഷഭ് പന്താണ് വിക്കറ്റ് കീപ്പർ.
(AP/PTI)
ബൗളിങ് നിര
മൂന്ന് പേസ‍ർമാരും ഒരു സ്പിന്ന‍റുമാണ് ടീമിലുള്ളത്. ചാമ്പ്യൻഷിപ്പിൽ 14 മത്സരങ്ങളിൽ നിന്ന് 71 വിക്കറ്റുകളുമായി വിക്കറ്റ് വേട്ടക്കാരിൽ ഒന്നാമതെത്തിയ ആർ അശ്വിനാണ് ഒരേയൊരു സ്പിന്നർ. ഓസ്ട്രേലിയൻ പേസ‍ർ പാറ്റ് കമ്മിൻസ് സ്ഥാനം പിടിക്കുമ്പോൾ ഒപ്പം ന്യൂസിലൻറിൻെറ കെയ്ൽ ജാമിസണും ടീം സൗത്തിയുമുണ്ട്. ജാമിസണായിരുന്നു ഫൈനലിലെ മാൻ ഓഫ് ദി മാച്ച്.
(AP/PTI)
ശക്തമായ ടീം
ടീം അംഗങ്ങൾ ഇവരിൽ നിന്ന്: രോഹിത് ശർമ, മാർനസ് ലാബുഷെയ്ൻ (ഓപ്പണർമാർ), വിരാട് കോലി, സ്റ്റീവ് സ്മിത്ത്, കെയ്ൻ വില്യംസൺ, റിഷഭ് പന്ത് (വിക്കറ്റ് കീപ്പർ), ബെൻ സ്റ്റോക്സ്, ആർ അശ്വിൻ, ടിം സൗത്തി, കെയ്ൽ ജാമിസൺ, പാറ്റ് കമ്മിൻസ്.
(PTI Photo/Kamal Kishore)
Also Read: ഇന്ത്യയിലെ ഏറ്റവും സമ്പന്നനായ ക്രിക്കറ്റ് താരം ആരാണ്? സച്ചിനോ ധോണിയോ കോലിയോ?