അഫ്ഗാനിസ്ഥാനെതിരെ നടന്ന ഏഷ്യാ കപ്പ് (Asia Cup) മത്സരത്തിൽ ഓപ്പണിംഗിറങ്ങി വിരാട് കോഹ്ലി (Virat Kohli) സെഞ്ചുറി നേടിയത് മുതൽ താരം ഇന്ത്യയുടെ സ്ഥിരം ഓപ്പണറാകണോ എന്നത് സംബന്ധിച്ച് ചർച്ചകൾ നടക്കുന്നുണ്ട്. നിലവിൽ രോഹിത് ശർമ്മയും, കെ എൽ രാഹുലുമാണ് ടി20 യിൽ ഇന്ത്യയുടെ ഓപ്പണർമാർ. കോഹ്ലിയെ ഓപ്പണിംഗിൽ കളിപ്പിക്കണമെങ്കിൽ ഈ ഓപ്പണിംഗ് ജോഡിയെ പൊളിക്കാൻ ടീം ഇന്ത്യ നിർബന്ധിതരാകും. നിലവിലെ സാഹചര്യത്തിൽ രോഹിത്-രാഹുൽ സഖ്യം ഇന്ത്യയുടെ ടി20 ഓപ്പണിംഗിൽ തുടരാനാണ് സാധ്യത. എന്നാൽ അതിനിടെ ഇപ്പോളിതാ കോഹ്ലി ഓപ്പണിംഗിൽ തുടരുന്നത് ഇന്ത്യക്ക് മികച്ച ഓപ്ഷനാണെന്ന് അഭിപ്രായപ്പെട്ടിരിക്കുകയാണ് മുൻ ഇന്ത്യൻ താരവും പ്രശസ്ത ക്രിക്കറ്റ് നിരൂപകനുമായ രോഹൻ ഗവാസ്കർ (Rohan Gavaskar). ടി20യിൽ ഓപ്പണറായി മികച്ച റെക്കോർഡുള്ള താരമാണ് കോഹ്ലിയെന്ന് പറയുന്ന രോഹൻ, ഓപ്പണറായി കളിക്കാൻ കോഹ്ലിക്കും താല്പര്യമുണ്ടാകുമെന്നും അദ്ദേഹത്തെ ആ പൊസിഷനിൽ കളിപ്പിക്കുന്നത് ഇന്ത്യൻ ടീമിന് വലിയൊരു ഓപ്ഷനാണെന്നും കൂട്ടിച്ചേർത്തു.
"വിരാടിനെ ഓപ്പണിംഗിൽ കളിപ്പിക്കുന്നത് മികച്ചൊരു ഓപ്ഷനാണെന്ന് ഞാൻ കരുതുന്നു. നിങ്ങൾ അദ്ദേഹത്തിന്റെ ടി20 നമ്പറുകൾ നോക്കൂ. അവ മികച്ചതാണ്. അദ്ദേഹത്തിന്റെ ശരാശരി 55-57 ആണ്, അദ്ദേഹത്തിന്റെ സ്ട്രൈക്ക് റേറ്റ് 160 ആണ്. അദ്ദേഹത്തിന്റെ അവസാന ഇന്നിംഗ്സ്, അപരാജിതമായ 122 റൺസ് ഇന്നിംഗ്സ് ഓപ്പണിംഗും അദ്ദേഹം ആസ്വദിക്കുമെന്ന് പറയുന്നു''.
''എന്റെ ഓർമ്മ ശരിയാണെങ്കിൽ ഈ എഡിഷനിലോ കഴിഞ്ഞ എഡിഷനിലോ ഐപിഎല്ലിൽ (IPL) ഓപ്പൺ ചെയ്യണമെന്ന് അദ്ദേഹം പറഞ്ഞു. താൻ കളിക്കാൻ ഇഷ്ടപ്പെടുന്നത് അവിടെയാണെന്ന് അദ്ദേഹം പറഞ്ഞു. അതിനാൽ അത് (ഓപ്പണിംഗ്) അവൻ ചെയ്യാൻ ആഗ്രഹിക്കുന്ന കാര്യമാണ്. അത് കൊണ്ട് അത് (കോഹ്ലിയെ ഓപ്പണിംഗിൽ കളിപ്പിക്കുന്നത്) തീർച്ചയായും ഇന്ത്യൻ ടീമിന് വലിയൊരു ഓപ്ഷനാണ്." സ്പോർട്സ് 18 ൽ ഒരു പരിപാടിയിൽ സംസാരിക്കവെ രോഹൻ ഗവാസ്കർ പറഞ്ഞു.
അതേ സമയം ഏഷ്യാകപ്പിൽ അഫ്ഗാനിസ്ഥാനെതിരായ മത്സരത്തിൽ രോഹിത് ശർമ്മയ്ക്ക് വിശ്രമം അനുവദിച്ചതിനാലായിരുന്നു വിരാട് കോഹ്ലി ഓപ്പണിംഗിൽ കളിച്ചത്. ബാറ്റിംഗ് ഓർഡറിൽ പ്രൊമോഷൻ ലഭിച്ച മത്സരത്തിൽ തന്റെ കരിയറിലെ ഏറ്റവും മികച്ച ഇന്നിംഗ്സുകളിലൊന്നായിരുന്നു കോഹ്ലി കളിച്ചത്. എന്നാൽ രോഹിതും, രാഹുലും കളിക്കുന്ന മത്സരങ്ങളിൽ ഇനിയും മൂന്നാം നമ്പരിൽ തന്നെ കോഹ്ലി കളിക്കാനാണ് സാധ്യത. ടി20 ലോകകപ്പ് അടുത്തെത്തി നിൽക്കുന്നതിനാൽ ടീമിന്റെ ബാറ്റിംഗ് പൊസിഷനുകളിൽ മാറ്റം വരുത്തുന്നത് മണ്ടത്തരമാണ്. അതിനാൽ കോഹ്ലി ഓപ്പണിംഗിലേക്ക് വരാനുള്ള സാധ്യതകളും വിരളമാണ്.
Read Latest Sports News and Malayalam News
"വിരാടിനെ ഓപ്പണിംഗിൽ കളിപ്പിക്കുന്നത് മികച്ചൊരു ഓപ്ഷനാണെന്ന് ഞാൻ കരുതുന്നു. നിങ്ങൾ അദ്ദേഹത്തിന്റെ ടി20 നമ്പറുകൾ നോക്കൂ. അവ മികച്ചതാണ്. അദ്ദേഹത്തിന്റെ ശരാശരി 55-57 ആണ്, അദ്ദേഹത്തിന്റെ സ്ട്രൈക്ക് റേറ്റ് 160 ആണ്. അദ്ദേഹത്തിന്റെ അവസാന ഇന്നിംഗ്സ്, അപരാജിതമായ 122 റൺസ് ഇന്നിംഗ്സ് ഓപ്പണിംഗും അദ്ദേഹം ആസ്വദിക്കുമെന്ന് പറയുന്നു''.
''എന്റെ ഓർമ്മ ശരിയാണെങ്കിൽ ഈ എഡിഷനിലോ കഴിഞ്ഞ എഡിഷനിലോ ഐപിഎല്ലിൽ (IPL) ഓപ്പൺ ചെയ്യണമെന്ന് അദ്ദേഹം പറഞ്ഞു. താൻ കളിക്കാൻ ഇഷ്ടപ്പെടുന്നത് അവിടെയാണെന്ന് അദ്ദേഹം പറഞ്ഞു. അതിനാൽ അത് (ഓപ്പണിംഗ്) അവൻ ചെയ്യാൻ ആഗ്രഹിക്കുന്ന കാര്യമാണ്. അത് കൊണ്ട് അത് (കോഹ്ലിയെ ഓപ്പണിംഗിൽ കളിപ്പിക്കുന്നത്) തീർച്ചയായും ഇന്ത്യൻ ടീമിന് വലിയൊരു ഓപ്ഷനാണ്." സ്പോർട്സ് 18 ൽ ഒരു പരിപാടിയിൽ സംസാരിക്കവെ രോഹൻ ഗവാസ്കർ പറഞ്ഞു.
അതേ സമയം ഏഷ്യാകപ്പിൽ അഫ്ഗാനിസ്ഥാനെതിരായ മത്സരത്തിൽ രോഹിത് ശർമ്മയ്ക്ക് വിശ്രമം അനുവദിച്ചതിനാലായിരുന്നു വിരാട് കോഹ്ലി ഓപ്പണിംഗിൽ കളിച്ചത്. ബാറ്റിംഗ് ഓർഡറിൽ പ്രൊമോഷൻ ലഭിച്ച മത്സരത്തിൽ തന്റെ കരിയറിലെ ഏറ്റവും മികച്ച ഇന്നിംഗ്സുകളിലൊന്നായിരുന്നു കോഹ്ലി കളിച്ചത്. എന്നാൽ രോഹിതും, രാഹുലും കളിക്കുന്ന മത്സരങ്ങളിൽ ഇനിയും മൂന്നാം നമ്പരിൽ തന്നെ കോഹ്ലി കളിക്കാനാണ് സാധ്യത. ടി20 ലോകകപ്പ് അടുത്തെത്തി നിൽക്കുന്നതിനാൽ ടീമിന്റെ ബാറ്റിംഗ് പൊസിഷനുകളിൽ മാറ്റം വരുത്തുന്നത് മണ്ടത്തരമാണ്. അതിനാൽ കോഹ്ലി ഓപ്പണിംഗിലേക്ക് വരാനുള്ള സാധ്യതകളും വിരളമാണ്.
Read Latest Sports News and Malayalam News