കാർത്തിക്കിൻെറ സിക‍്‍സ‍ർ രോഹിത് ശ‍ർമ്മ കണ്ടില്ല !!!

കൊളംബോ: നിധാഹാസ് ട്രോഫി ക്രിക്കറ്റ് ഫൈനലിൻെറ അവസാന പന്തിൽ ദിനേശ് കാർത്തിക്ക് അടിച്ച സിക്സർ ഇന്ത്യൻ നായകൻ രോഹിത് ശർമ്മ കണ്ടില്ല. ഇന്ത്യൻ ആരാധകരെയും പ്രേമദാസ സ്റ്റേഡിയത്തിലെ കാണികളെയും ആവേശം കൊള്ളിച്ച് കാർത്തിക്കിൻെറ ഷോട്ടിൽ ആ പന്ത് വായുവിലേക്ക് ഉയർന്ന് പൊങ്ങുമ്പോൾ രോഹിത് ഡ്രസ്സിങ് റൂമിൽ സൂപ്പർ ഓവർ കളിക്കാനുള്ള തയ്യാറെടുപ്പിലായിരുന്നു.

അവസാന പന്തിൽ ഇന്ത്യക്ക് ജയിക്കാൻ വേണ്ടിയിരുന്നത് അഞ്ച് റൺസാണ്. കാർത്തിക്ക് സിക്സ് അടിച്ച് ജയിപ്പിക്കുമെന്ന് രോഹിത് കരുതിയിരുന്നില്ല. അവസാന പന്തിൽ ഫോർ അടിക്കുകയാണെങ്കിൽ മത്സരം സമനിലയാവും. ഇതോടെ സൂപ്പർ ഓവർ കളിക്കേണ്ടി വരും.

സൂപ്പർ ഓവർ കളിക്കാനായി പാഡ് ധരിച്ച് തയ്യാറെടുക്കുകയായിരുന്നു രോഹിത്. മത്സരശേഷം മാധ്യമപ്രവർത്തകരോട് സംസാരിക്കുമ്പോഴാണ് ഇന്ത്യൻ നായകൻ ഇക്കാര്യം വെളിപ്പെടുത്തിയത്. കാർത്തിക്കിൻെറ പരിചയസമ്പത്തും ആത്മവിശ്വാസവുമാണ് ഇന്ത്യക്ക് വിജയം സമ്മാനിച്ചതെന്നും രോഹിത് പറഞ്ഞു.