ന്യൂഡൽഹി: ഏകദിന ക്രിക്കറ്റിൽ മിന്നുന്ന ഫോമിലാണ് ഇന്ത്യൻ ഉപനായകൻ രോഹിത് ശർമ്മ. ന്യൂസിലൻറിനെതിരായ ഏകദിന പരമ്പരയിൽ ഇന്ത്യൻ വിജയങ്ങളിൽ അദ്ദേഹം നിർണായക പങ്കാണ് വഹിച്ചത്. മൂന്നാം മത്സരത്തിൽ 62 റൺസ് നേടി രോഹിതാണ് ഇന്ത്യയുടെ ടോപ് സ്കോററായത്. മുൻ നായകൻ മഹേന്ദ്ര സിങ് ധോണിയുടെ ഒരു റെക്കോർഡിനൊപ്പം എത്താനും രോഹിതിന് സാധിച്ചു. മത്സരത്തിൽ രണ്ട് സിക്സറുകൾ അടിച്ച രോഹിത് ഇന്ത്യക്കായി ഏകദിനങ്ങളിൽ ആകെ നേടിയത് 215 സിക്സറുകളാണ്. എംഎസ് ധോണി ഏകദിനത്തിൽ 222 സിക്സറുകൾ നേടിയിട്ടുണ്ട്. എന്നാൽ ഇതിൽ ഏഴെണ്ണം ഏഷ്യ ഇലവന് വേണ്ടി നേടിയതാണ്. അതിനാൽ തന്നെ നിലവിൽ ധോണിയും രോഹിതും ഇന്ത്യക്കായി നേടിയിട്ടുള്ളത് 215 സിക്സറുകളാണ്.
337 മത്സരങ്ങളിൽ നിന്നാണ് ധോണി ഏകദിന കരിയറിൽ 222 സിക്സറുകൾ നേടിയിട്ടുള്ളത്. ന്യൂസിലൻറിനെതിരായ മൂന്നാം ഏകദിനത്തിൽ പരിക്ക് കാരണം ധോണി കളിച്ചിരുന്നില്ല. ഈ മത്സരത്തിലാണ് രോഹിത്, ധോണിയുടെ റെക്കോർഡിനൊപ്പമെത്തിയത്.
337 മത്സരങ്ങളിൽ നിന്നാണ് ധോണി ഏകദിന കരിയറിൽ 222 സിക്സറുകൾ നേടിയിട്ടുള്ളത്. ന്യൂസിലൻറിനെതിരായ മൂന്നാം ഏകദിനത്തിൽ പരിക്ക് കാരണം ധോണി കളിച്ചിരുന്നില്ല. ഈ മത്സരത്തിലാണ് രോഹിത്, ധോണിയുടെ റെക്കോർഡിനൊപ്പമെത്തിയത്.