ഓസ്ട്രേലിയൻ പര്യടനത്തിനായുള്ള ഇന്ത്യൻ ക്രിക്കറ്റ് ടീമിനെ ബിസിസിഐ പ്രഖ്യാപിച്ചു. ടെസ്റ്റ്, ഏകദിന, ടി20 ടീമുകളെയാണ് പ്രഖ്യാപിച്ചത്. പരിക്ക് കാരണം ഉപനായകൻ രോഹിത് ശർമ, പേസർ ഇശാന്ത് ശർമ എന്നിവരെ ടീമിൽ ഉൾപ്പെടുത്തിയിട്ടില്ല. ഇരുതാരങ്ങളുടെയും ശാരീരികക്ഷമത പുരോഗതി ബിസിസിഐ മെഡിക്കൽ ടീം പരിശോധിച്ചതിന് ശേഷം അന്തിമ തീരുമാനം എടുക്കുമെന്നും വ്യക്തമാക്കി. രോഹിതിൻെറ അഭാവത്തിൽ ഓപ്പണിങ് ബാറ്റ്സ്മാനും വിക്കറ്റ് കീപ്പറുമായ കെഎൽ രാഹുലാണ് ലിമിറ്റഡ് ഓവർ ടീമിൻെറ ഉപനായകൻ. ടെസ്റ്റ് ടീമിലും രാഹുൽ മടങ്ങിയെത്തി. അജിങ്ക്യ രഹാനെയാണ് ഉപനായകൻ. മൂന്ന് ടി20, മൂന്ന് ഏകദിനം, നാല് ടെസ്റ്റ് മത്സരങ്ങളുമാണ് ഇന്ത്യ ഓസ്ട്രേലിയക്കെതിരെ കളിക്കുക. മലയാളി താരം സഞ്ജു സാംസണിനെ ടി20 ടീമിൽ ഉൾപ്പെടുത്തിയിട്ടുണ്ട്. ടീമിനൊപ്പം അധികമായി നാല് ബോളർമാരെയും ഉൾപ്പെടുത്തിയിട്ടുണ്ട്. കൊൽക്കത്തക്കായി 5 വിക്കറ്റ് നേടി ഐപിഎല്ലിൽ മിന്നുന്ന പ്രകടനം നടത്തുന്ന വരുൺ ചക്രവർത്തി ടി20 ടീമിൽ സ്ഥാനം പിടിച്ചിട്ടുണ്ട്. കമലേഷ് നാഗർകോട്ടി, ടി നടരാജൻ, കാർതിക് ത്യാഗി, ഇഷൻ പോറൽ എന്നിവരാണ് ടീമിനൊപ്പമുള്ള എക്സ്ട്രാ ബോളർമാർ.
ടെസ്റ്റ് ടീം ഇവരിൽ നിന്ന്:
ഏകദിന ടീം:
ടി20 ടീം ഇവരിൽ നിന്ന്:
ടെസ്റ്റ് ടീം ഇവരിൽ നിന്ന്:
ഏകദിന ടീം:
ടി20 ടീം ഇവരിൽ നിന്ന്: