ഇന്ത്യന്‍ ക്യാപ്റ്റനാകാന്‍ ഞാൻ തയ്യാര്‍: രോഹിത് ശര്‍മ

തനിക്ക് അവസരം ലഭിച്ചാൽ തുടര്‍ന്നും ഇന്ത്യന്‍ ക്യാപ്റ്റനാകാന്‍ ഒരുക്കമാണെന്ന് രോഹിത് ശര്‍മ . ഏഷ്യാകപ്പിൽ ക്യാപ്റ്റനെന്ന നിലയിൽ സമാനതകളില്ലാത്ത പ്രകടനമാണ് രോഹിത് ശര്‍മ നടത്തിയത്. ഇക്കുറി എല്ലാ കളിയും ജയിച്ചാണ് ഇന്ത്യ ഏഴാവട്ടം ഏഷ്യകപ്പ് കിരീടമുയര്‍ത്തിയത്.

സാധാരണ ക്യാപ്റ്റനാകുന്നവർ തിളങ്ങാതെ പോകുന്ന പതിവ് മാറി ബാറ്റിങ്ങിലും ഉശിരൻ പ്രകടനം രോഹിത് ശര്‍മ നടത്തി. അഞ്ച് ഇന്നിങ്‌സില്‍ നിന്നും ഒരു സെഞ്ചുറിയും രണ്ട് അര്‍ദ്ധ സെഞ്ച്വറിയും അടക്കം 317 റണ്‍സാണ് അടിച്ചുകൂട്ടിയത്.

ഹിന്ദുസ്ഥാന്‍ ടൈംസിന്‍റെ അഭിമുഖത്തിലാണ് ക്യാപ്റ്റനാകാൻ തുടര്‍ന്നും തയ്യാറാണെന്ന് രോഹിത് വ്യക്തമാക്കിയത്. ധോണിയുടെ സാന്നിദ്ധ്യമാണ് തന്നെ ഏറെ സഹായിച്ചതെന്നും രോഹിത് കൂട്ടിച്ചേര്‍ത്തിട്ടുണ്ട്.