ഏഷ്യാ കപ്പിലെ നിര്ണായക മത്സരത്തില് ശ്രീലങ്കയോട് തോറ്റതോടെ ഇന്ത്യ പുറത്താകലിന്റെ വക്കിലാണ്. പാകിസ്ഥാന് ശേഷിക്കുന്ന രണ്ടു കളികളില് ഒന്നില് ജയിച്ചാല് ഇന്ത്യയ്ക്ക് നാട്ടിലേക്ക് മടങ്ങാം. ടി20 ലോകകപ്പ് അടുത്തിരിക്കെ ഏഷ്യാ കപ്പിലെ മോശം പ്രകടനം ടീം സെലക്ഷനേയും കളിക്കാരുടെ ഫോമിനേയുമെല്ലാം ചോദ്യം ചെയ്യുന്നതാണ്. എന്നാല്, തോല്വി ഞങ്ങള്ക്കൊരു വിഷയമേയല്ലെന്നാണ് രോഹിത്തിന്റെ പ്രതികരണം. ശ്രീലങ്കയ്ക്കെതിരെ 5 വിക്കറ്റിനാണ് ഇന്ത്യ തോറ്റത്. ഇന്ത്യ ഉയര്ത്തിയ 174 റണ്സ് വിജയലക്ഷ്യം ശ്രീലങ്ക ഒരു പന്ത് ബാക്കി നില്ക്കെ ലക്ഷ്യം കണ്ടു. പാകിസ്ഥാനെതിരായ സൂപ്പര് ഫോര് മത്സരത്തിലെ തോല്വിയുടെ സമാന രീതിയിലാണ് ഇന്ത്യ ശ്രീലങ്കയ്ക്കെതിരേയും തോറ്റത്. രണ്ട് കളികളിലും 19-ാം ഓവറില് ഭുവനേശ്വര് കുമാര് കൂടുതല് റണ്സ് വഴങ്ങിയത് ഇന്ത്യയ്ക്ക് തിരിച്ചടിയായി. പാകിസ്ഥാനെതിരെ 19 റണ്സും ശ്രീലങ്കയ്ക്കെതിരെ 14 റണ്സുമാണ് ഭുവി വഴങ്ങിയത്.
രണ്ട് മത്സരം തോറ്റത് കാര്യമാക്കേണ്ടതില്ലെന്ന് രോഹിത് പറഞ്ഞു. പുറത്തുനിന്നും നോക്കുമ്പോള് അത് തിരിച്ചടിയായി തോന്നിയേക്കാം. എന്നാല്, തങ്ങളെ സംബന്ധിച്ച് അത്തരം ആശങ്കകളൊന്നുമില്ല. ഡ്രസ്സിങ് റൂം ശാന്തമാണ്. തോല്വിയുടെ അസ്വസ്ഥതയൊന്നും ആരേയും ബാധിച്ചിട്ടില്ല. ടി20 ലോകകപ്പിന് ശേഷം തുടര്ച്ചയായി മത്സരങ്ങള് ജയിച്ച ടീമാണിത്. അതുകൊണ്ടുതന്നെ ഒന്നോ രണ്ടോ മത്സരത്തിലെ തോല്വി ടീമിനെ ബാധിക്കില്ലെന്നും രോഹിത് വ്യക്തമാക്കി.
ഭുവനേശ്വര് കുമാര് രണ്ട് മത്സരത്തിലും കൂടുതല് റണ്സ് വഴങ്ങിയതിനെക്കുറിച്ച് രോഹിത് പ്രതികരിച്ചു. ഭുവി ഏറെ പരിചയസമ്പത്തുള്ള ബൗളറാണെന്ന് രോഹിത് പറഞ്ഞു. മികച്ച ബാറ്റര്മാര് കളിക്കുമ്പോള് റണ്സ് വഴങ്ങുന്നത് സാധാരണമാണ്. എത്രയോ മത്സരങ്ങളില് അവസാന ഓവറുകളില് ഭുവി കളി ജയിപ്പിച്ചിട്ടുണ്ടെന്ന കാര്യവും രോഹിത് ചൂണ്ടിക്കാട്ടി. രണ്ട് കളികളിലും ഒടുവിലത്തെ ഓവര് എറിഞ്ഞത് ആര്ഷ്ദീപ് സിങ്ങാണെങ്കിലും ടീമിനെ ജയിപ്പിക്കാനായില്ല.
പാകിസ്ഥാനെതിരായ മത്സരത്തില് ആര്ഷ്ദീപ് ക്യാച്ച് കൈവിട്ടതില് നിരാശയുണ്ടെന്നാണ് രോഹിത്തിന്റെ പ്രതികരണം. അനായാസമായ ഒരു ക്യാച്ചായിരുന്നു അതെന്നതില് തര്ക്കമില്ല. എന്നാല്, അതിനുശേഷം എത്രമാത്രം ആത്മവിശ്വാസത്തോടെയാണ് ആര്ഷ്ദീപ് പന്തെറിഞ്ഞതെന്ന് നോക്കുക. തികച്ചും ആത്മവിശ്വാസത്തിന്റെ പ്രതീകമാണ് ആര്ഷ്ദീപെന്നും രോഹിത് പറഞ്ഞു. ജസ്പ്രീത് ബുംറയും, ഹര്ഷാല് പട്ടേലും ഇല്ലാതെ ഇറങ്ങിയ ഇന്ത്യയുടെ ദുര്ബല ബൗളിങ്ങാണ് ടൂര്ണമെന്റിലെ തിരിച്ചടിക്ക് പ്രധാന കാരണമായത്.
രണ്ട് മത്സരം തോറ്റത് കാര്യമാക്കേണ്ടതില്ലെന്ന് രോഹിത് പറഞ്ഞു. പുറത്തുനിന്നും നോക്കുമ്പോള് അത് തിരിച്ചടിയായി തോന്നിയേക്കാം. എന്നാല്, തങ്ങളെ സംബന്ധിച്ച് അത്തരം ആശങ്കകളൊന്നുമില്ല. ഡ്രസ്സിങ് റൂം ശാന്തമാണ്. തോല്വിയുടെ അസ്വസ്ഥതയൊന്നും ആരേയും ബാധിച്ചിട്ടില്ല. ടി20 ലോകകപ്പിന് ശേഷം തുടര്ച്ചയായി മത്സരങ്ങള് ജയിച്ച ടീമാണിത്. അതുകൊണ്ടുതന്നെ ഒന്നോ രണ്ടോ മത്സരത്തിലെ തോല്വി ടീമിനെ ബാധിക്കില്ലെന്നും രോഹിത് വ്യക്തമാക്കി.
ഭുവനേശ്വര് കുമാര് രണ്ട് മത്സരത്തിലും കൂടുതല് റണ്സ് വഴങ്ങിയതിനെക്കുറിച്ച് രോഹിത് പ്രതികരിച്ചു. ഭുവി ഏറെ പരിചയസമ്പത്തുള്ള ബൗളറാണെന്ന് രോഹിത് പറഞ്ഞു. മികച്ച ബാറ്റര്മാര് കളിക്കുമ്പോള് റണ്സ് വഴങ്ങുന്നത് സാധാരണമാണ്. എത്രയോ മത്സരങ്ങളില് അവസാന ഓവറുകളില് ഭുവി കളി ജയിപ്പിച്ചിട്ടുണ്ടെന്ന കാര്യവും രോഹിത് ചൂണ്ടിക്കാട്ടി. രണ്ട് കളികളിലും ഒടുവിലത്തെ ഓവര് എറിഞ്ഞത് ആര്ഷ്ദീപ് സിങ്ങാണെങ്കിലും ടീമിനെ ജയിപ്പിക്കാനായില്ല.
പാകിസ്ഥാനെതിരായ മത്സരത്തില് ആര്ഷ്ദീപ് ക്യാച്ച് കൈവിട്ടതില് നിരാശയുണ്ടെന്നാണ് രോഹിത്തിന്റെ പ്രതികരണം. അനായാസമായ ഒരു ക്യാച്ചായിരുന്നു അതെന്നതില് തര്ക്കമില്ല. എന്നാല്, അതിനുശേഷം എത്രമാത്രം ആത്മവിശ്വാസത്തോടെയാണ് ആര്ഷ്ദീപ് പന്തെറിഞ്ഞതെന്ന് നോക്കുക. തികച്ചും ആത്മവിശ്വാസത്തിന്റെ പ്രതീകമാണ് ആര്ഷ്ദീപെന്നും രോഹിത് പറഞ്ഞു. ജസ്പ്രീത് ബുംറയും, ഹര്ഷാല് പട്ടേലും ഇല്ലാതെ ഇറങ്ങിയ ഇന്ത്യയുടെ ദുര്ബല ബൗളിങ്ങാണ് ടൂര്ണമെന്റിലെ തിരിച്ചടിക്ക് പ്രധാന കാരണമായത്.