റെക്കോഡ് പെരുമഴയുമായി രോഹിത്തിൻെറ സെഞ്ചുറി, റിങ്കുവിനും വൻ നേട്ടം; ബെംഗളൂരുവിൽ ബാറ്റിങ് വെടിക്കെട്ട്
രണ്ട് മത്സരത്തിലെ മോശം പ്രകടനത്തിൻെറ പേരിൽ രോഹിത് ശർമയെ (Rohit Sharma) വിമർശിച്ചവർക്കെല്ലാം താരത്തിൻെറ വക ബാറ്റ് കൊണ്ട് മറുപടി. അന്താരാഷ്ട്ര ടി20 ക്രിക്കറ്റിൽ ഏറ്റവും കൂടുതൽ സെഞ്ചുറിയെന്ന നേട്ടം കൈവരിച്ച് ഇന്ത്യൻ നായകൻെറ ബാറ്റിങ് വെടിക്കെട്ട്
ഹൈലൈറ്റ്:
- അഫ്ഗാനെതിരെ രോഹിത്തിന് റെക്കോഡ് സെഞ്ചുറി
- ടി20 ക്രിക്കറ്റിൽ അഞ്ച് സെഞ്ചുറി നേടുന്ന ആദ്യ ബാറ്റർ
- റിങ്കു സിങ്ങിനൊപ്പം റെക്കോഡ് കൂട്ടുകെട്ടും സ്വന്തമാക്കി
വിമർശകർക്കെല്ലാം ബാറ്റ് കൊണ്ട് വായടപ്പിക്കുന്ന മറുപടി നൽകി ബെംഗളൂരുവിലെ ചിന്നസ്വാമി സ്റ്റേഡിയത്തിൽ നിറഞ്ഞാടി ഇന്ത്യൻ നായകൻ രോഹിത് ശർമ (Rohit Sharma). അഫ്ഗാനിസ്താനെതിരായ (India vs Afghanistan) മൂന്നാം ടി20യിൽ സെഞ്ചുറി നേടി ടീമിൻെറ കൂറ്റൻ സ്കോറിലേക്ക് നയിക്കുകയായിരുന്നു രോഹിത്. 69 പന്തിൽ നിന്ന് 121 റൺസുമായി രോഹിത് പുറത്താവാതെ നിന്നു. തുടക്കത്തിൽ പതറിപ്പോയ ഇന്ത്യയെ കരകയറ്റിയത് രോഹിത്തും റിങ്കുവും ചേർന്നുള്ള ഇന്നിങ്സായിരുന്നു. റിങ്കു സിങ് (Rinku Singh) 39 പന്തിൽ നിന്ന് 69 റൺസുമായി പുറത്താവാതെ നിന്നു. രോഹിത് 11 ഫോറുകളും എട്ട് സിക്സറുകളും പറത്തിയപ്പോൾ റിങ്കുവിൻെറ ബാറ്റിൽ നിന്ന് രണ്ട് ഫോറുകളും 6 സിക്സറുകളുമാണ് പിറന്നത്. ഇന്ത്യ 20 ഓവറിൽ 4 വിക്കറ്റ് നഷ്ടത്തിൽ 212 റൺസും നേടി.
രോഹിത്തിൻെറ റെക്കോഡുകൾ
അന്താരാഷ്ട്ര ടി20 ക്രിക്കറ്റിൽ തൻെറ അഞ്ചാം ടി20 സെഞ്ചുറിയാണ് രോഹിത് നേടിയത്. ഈ നേട്ടം കൈവരിക്കുന്ന ആദ്യ ക്രിക്കറ്ററാണ് രോഹിത്. നേരത്തെ നാല് സെഞ്ചുറികളുമായി രോഹിത് സൂര്യകുമാർ യാദവിനും ഗ്ലെൻ മാക്സ്വെല്ലിനും ഒപ്പം ഈ റെക്കോഡ് പങ്കുവെക്കുകയായിരുന്നു. 2019ന് ശേഷം രോഹിത് ഇതാദ്യമായാണ് ടി20യിൽ സെഞ്ചുറി നേടുന്നത്.
ടി20 ക്രിക്കറ്റിൽ ഒരു ഇന്ത്യൻ താരത്തിൻെറ ഏറ്റവും ഉയർന്ന നാലാമത്തെ വ്യക്തിഗത സ്കോറാണ് മത്സരത്തിൽ രോഹിത് നേടിയത്. പുറത്താവാതെ 126 റൺസ് നേടിയ ശുഭ്മാൻ ഗില്ലാമ് ഇക്കാര്യത്തിൽ ഒന്നാം സ്ഥാനത്തുള്ളത്. മത്സരത്തിൽ ഒരു സിക്സർ കൂടി അടിച്ചിരുന്നുവെങ്കിൽ ഈ നേട്ടവും രോഹിത്തിൻെറ പേരിലായേനെ.
റിങ്കു - രോഹിത് റെക്കോഡുകൾ
ടി20 ക്രിക്കറ്റിൽ ഇന്ത്യയുടെ ഏറ്റവും ഉയർന്ന കൂട്ടുകെട്ടാണ് രോഹിത്തും റിങ്കുവും ചേർന്ന് പടുത്തുയർത്തിയത്. അഞ്ചാം വിക്കറ്റിൽ 190 റൺസാണ് ഇരുവരും ചേർന്ന് കൂട്ടിച്ചേർത്തത്. 2022ൽ അയർലണ്ടിനെതിരെ സഞ്ജു സാംസണും ദീപക് ഹൂഡയും ചേർന്ന് നേടിയ 176 റൺസിൻെറ കൂട്ടുകെട്ടാണ് ഇവർ മറികടന്നത്.
അഫ്ഗാൻ ബോളർ കരിം ജന്നത്ത് എറിഞ്ഞ അവസാന ഓവറിൽ 36 റൺസ് സ്വന്തമാക്കിയും ഇരുവരും ചേർന്ന് റെക്കോഡിട്ടു. ഇതാദ്യാമായാണ് രണ്ട് കളിക്കാർ ചേർന്ന് ഒരോവറിൽ 36 റൺസ് നേടുന്നത്. 2007ൽ യുവരാജ് സിങ്ങും 2021ൽ കീറോൺ പൊള്ളാർഡും ഒരോവറിൽ 6 സിക്സറടിച്ച് റെക്കോഡ് നേടിയിട്ടുണ്ട്.
അഞ്ച് സിക്സറും ഒരു ഫോറും അടക്കമാണ് റിങ്കുവും രോഹിത്തും ചേർന്ന് 36 റൺസടിച്ചത്. അവസാന ഓവറിൽ ഒരു നോബോൾ വന്നതാണ് സ്കോർ ഇങ്ങനെ ആവാൻ കാരണമായത്. 25 റൺസിനുള്ളിൽ 4 വിക്കറ്റ് വീണിട്ടും ടി20യിൽ ഒരു ടീം നേടുന്ന ഏറ്റവും ഉയർന്ന സ്കോറാണ് ഇന്ത്യ ബെംഗളൂരുവിൽ നേടിയത്.
Read Latest Sports News And Malayalam News
രോഹിത്തിൻെറ റെക്കോഡുകൾ
അന്താരാഷ്ട്ര ടി20 ക്രിക്കറ്റിൽ തൻെറ അഞ്ചാം ടി20 സെഞ്ചുറിയാണ് രോഹിത് നേടിയത്. ഈ നേട്ടം കൈവരിക്കുന്ന ആദ്യ ക്രിക്കറ്ററാണ് രോഹിത്. നേരത്തെ നാല് സെഞ്ചുറികളുമായി രോഹിത് സൂര്യകുമാർ യാദവിനും ഗ്ലെൻ മാക്സ്വെല്ലിനും ഒപ്പം ഈ റെക്കോഡ് പങ്കുവെക്കുകയായിരുന്നു. 2019ന് ശേഷം രോഹിത് ഇതാദ്യമായാണ് ടി20യിൽ സെഞ്ചുറി നേടുന്നത്.
ടി20 ക്രിക്കറ്റിൽ ഒരു ഇന്ത്യൻ താരത്തിൻെറ ഏറ്റവും ഉയർന്ന നാലാമത്തെ വ്യക്തിഗത സ്കോറാണ് മത്സരത്തിൽ രോഹിത് നേടിയത്. പുറത്താവാതെ 126 റൺസ് നേടിയ ശുഭ്മാൻ ഗില്ലാമ് ഇക്കാര്യത്തിൽ ഒന്നാം സ്ഥാനത്തുള്ളത്. മത്സരത്തിൽ ഒരു സിക്സർ കൂടി അടിച്ചിരുന്നുവെങ്കിൽ ഈ നേട്ടവും രോഹിത്തിൻെറ പേരിലായേനെ.
റിങ്കു - രോഹിത് റെക്കോഡുകൾ
ടി20 ക്രിക്കറ്റിൽ ഇന്ത്യയുടെ ഏറ്റവും ഉയർന്ന കൂട്ടുകെട്ടാണ് രോഹിത്തും റിങ്കുവും ചേർന്ന് പടുത്തുയർത്തിയത്. അഞ്ചാം വിക്കറ്റിൽ 190 റൺസാണ് ഇരുവരും ചേർന്ന് കൂട്ടിച്ചേർത്തത്. 2022ൽ അയർലണ്ടിനെതിരെ സഞ്ജു സാംസണും ദീപക് ഹൂഡയും ചേർന്ന് നേടിയ 176 റൺസിൻെറ കൂട്ടുകെട്ടാണ് ഇവർ മറികടന്നത്.
അഫ്ഗാൻ ബോളർ കരിം ജന്നത്ത് എറിഞ്ഞ അവസാന ഓവറിൽ 36 റൺസ് സ്വന്തമാക്കിയും ഇരുവരും ചേർന്ന് റെക്കോഡിട്ടു. ഇതാദ്യാമായാണ് രണ്ട് കളിക്കാർ ചേർന്ന് ഒരോവറിൽ 36 റൺസ് നേടുന്നത്. 2007ൽ യുവരാജ് സിങ്ങും 2021ൽ കീറോൺ പൊള്ളാർഡും ഒരോവറിൽ 6 സിക്സറടിച്ച് റെക്കോഡ് നേടിയിട്ടുണ്ട്.
അഞ്ച് സിക്സറും ഒരു ഫോറും അടക്കമാണ് റിങ്കുവും രോഹിത്തും ചേർന്ന് 36 റൺസടിച്ചത്. അവസാന ഓവറിൽ ഒരു നോബോൾ വന്നതാണ് സ്കോർ ഇങ്ങനെ ആവാൻ കാരണമായത്. 25 റൺസിനുള്ളിൽ 4 വിക്കറ്റ് വീണിട്ടും ടി20യിൽ ഒരു ടീം നേടുന്ന ഏറ്റവും ഉയർന്ന സ്കോറാണ് ഇന്ത്യ ബെംഗളൂരുവിൽ നേടിയത്.
Read Latest Sports News And Malayalam News