​കുട്ടികൾ കാത്തിരുന്നോളൂ: സച്ചിൻ പുതിയ റോളിലെത്തുന്നൂ...

ന്യൂഡൽഹി: സച്ചിൻ ടെണ്ടുൽക്കർ പുതിയ റോളിൽ അവതരിക്കുകയാണ്. ഇക്കാര്യത്തിൽ ഏറ്റവും കൂടുതൽ സന്തോഷിക്കുക കുട്ടികളായിരിക്കും. അവർക്ക് പ്രിയ്യപ്പെട്ട കോമിക് ഹീറോയുടെ റോളിലാണ് സച്ചിൻ വരുന്നത്. താരത്തിൻെറ ആത്മകഥയായ 'Playing It My Way' എന്ന പുസ്തകത്തിലാണ് സച്ചിനെ കോമിക് ഹീറോ ആയി അവതരിപ്പിക്കാൻ പോവുന്നത്.

പുസ്തകത്തിൻെറ പ്രസാധകരായ Hachette India വാർത്ത സ്ഥിരീകരിച്ചു. കുട്ടികളെ ആകർഷിക്കുക എന്നതാണ് ഇതിൻെറ ലക്ഷ്യം. ഏകദേശം 25 പേജുകളാണ് സച്ചിനെ കോമിക് ഹീറോയായി ചിത്രീകരിച്ച് കൊണ്ട് ഉൾപ്പെടുത്തുക. സച്ചിൻെറ ക്രിക്കറ്റ് ജീവിതത്തിലെ ഏറ്റവും പ്രധാനപ്പെട്ട സംഭവങ്ങൾ ഇതിൽ ഉൾപ്പെടുത്തും.

2014ൽ പുറത്തിറങ്ങിയ സച്ചിൻെറ യഥാർഥ ആത്മകഥയുടെ പകുതി പേജുകളുമായാണ് പുതിയ എഡിഷൻ പുറത്തിറങ്ങാൻ പോവുന്നത്. വിലയിലും കുറവുണ്ടാവുമെന്ന് പ്രസാധകർ അറിയിച്ചതായി മുംബൈ മിറർ റിപ്പോർട്ട് ചെയ്യുന്നു.

Sachin coming soon as comic hero in auto biography

Indian cricket legend Sachin Tendulkar's autobiography's new edition will be released soon.