മുംബൈയിലെ തെരുവിൽ ക്രിക്കറ്റ് കളിച്ച് 'ക്രിക്കറ്റ് ദൈവം' !!!

മുംബൈ: അന്താരാഷ്ട്ര ക്രിക്കറ്റിൽ നിന്ന് വിരമിച്ചുവെങ്കിലും ഇതിഹാസ താരം സച്ചിൻ ടെണ്ടുൽക്കർ ഇപ്പോഴും ക്രിക്കറ്റിൻെറ വിവിധ മേഖലകളിൽ സജീവമാണ്. എന്നാൽ അദ്ദേഹം വീണ്ടും ക്രിക്കറ്റ് കളിച്ചു! ഇത്തവണ ഗ്രൗണ്ടിലല്ല തെരുവിലാണ് 'ക്രിക്കറ്റ് ദൈവം' ബാറ്റുമായി ഇറങ്ങിയത്.

മുംബൈയിലെ ബാന്ദ്രയിൽ മെട്രോ റെയിലിൻെറ പണി നടക്കുന്നതിനടുത്തുള്ള റോഡിലാണ് സച്ചിൻ കുട്ടികൾക്കൊപ്പം ക്രിക്കറ്റ് കളിച്ചത്. കുട്ടികൾ കളിക്കുന്നത് കണ്ട് റോഡരികിൽ കാർ പാർക്ക് ചെയ്ത ശേഷം സച്ചിൻ പുറത്തിറങ്ങുകയായിരുന്നു. എല്ലാവർക്കും കൈ കൊടുത്ത ശേഷം ബാറ്റ് ചെയ്യുകയും ചെയ്തു.


എല്ലാവർക്കും ഒപ്പം നിന്ന് സെൽഫിയെടുക്കാനും സച്ചിൻ തയ്യാറായി. സച്ചിൻ തെരുവിൽ ക്രിക്കറ്റ് കളിക്കുന്നതിൻെറ വീഡിയോ സാമൂഹ്യ മാധ്യമങ്ങളിലുെ വൈറലാവുകയാണ്. സച്ചിൻെറ പ്രിയ സുഹൃത്ത് വിനോദ് കാംബ്ലി അടക്കമുള്ളവർ വീഡിയോ ഷെയർ ചെയ്തിട്ടുണ്ട്.