വിഖ്യാത പേസ് നിരയുള്ള പാകിസ്ഥാനെതിരെ ടെസ്റ്റ് അരങ്ങേറ്റം കുറിച്ച സച്ചിന് തെണ്ടുല്ക്കര് അന്ന് ഔട്ടായപ്പോള് കരഞ്ഞു. ഇത് തന്റെ അവസാന ടെസ്റ്റ് മത്സരമായിരിക്കുമെന്ന് കരുതി. എന്നാല് രവിശാസ്ത്രിയുമായുള്ള സംഭാഷണം സച്ചിന്റെ കരിയര് മാറ്റി മറിച്ചു. സച്ചിന് മുന് ഇംഗ്ലണ്ട് താരം നാസര് ഹുസൈനുമായിട്ട് സ്കൈ സ്പോര്ട്സിന്റെ നാസര് മീറ്റ്സ് സച്ചിന് എന്ന പ്രോഗ്രാമില് പങ്കുവെച്ചതാണീ ഓര്മകള്.
സച്ചിന് തെണ്ടുല്ക്കര് തന്റെ ആദ്യ ടെസ്റ്റ് മത്സരം കളിക്കുന്നത് 1989 ലാണ്. ഇമ്രാന് ഖാനും വസിം അക്രമും വഖാര് യൂനിസും വിക്കറ്റിലേക്ക് വിഷം പുരട്ടിയ പന്തുകളെറിയുന്ന കാലം. വസിം അക്രവും വഖാറും എറിഞ്ഞ സ്വിംഗറുകള്ക്ക് മുന്നില് കോളേജ് കുമാരനായ സച്ചിനെ വിറച്ചു. അവരുടെ ഷോട് ബോളുകള് സച്ചിനെ ഭയചകിതനാക്കി. തട്ടിയും മുട്ടിയും നിന്ന യുവ ഇന്ത്യന് താരം പതിനഞ്ച് റണ്സെടുത്ത് മടങ്ങി.
ഡ്രസിംഗ് റൂമിലെത്തിയ സച്ചിന് നേരെ ബാത് റൂമിലേക്കാണ് പോയത്. മനസൊന്ന് വിങ്ങി. ഇത് തന്റെ അവസാന ടെസ്റ്റാകും എന്നുറപ്പിച്ചു. ഈ രീതിയില് കളിച്ചാല് ക്രിക്കറ്റില് ഏറെ കാലം പിടിച്ചു നില്ക്കാന് സാധിക്കില്ലെന്ന് സച്ചിന് ബോധ്യമായി. ഇത് മനസില് പറഞ്ഞു കൊണ്ടേയിരുന്നു. അന്ന് സച്ചിന് മാനസികമായി കരുത്തേകിയത് സീനിയര് താരം രവി ശാസ്ത്രിയായിരുന്നു. നിരാശ പങ്കു വെച്ചപ്പോള് ശാസ്ത്രി ചില ഉപദേശങ്ങള് നല്കി. അരമണിക്കൂര് ക്രീസില് പിടിച്ച് നില്ക്കാന് ശ്രമിക്കുക.
അപ്പോള് പേസര്മാരുടെ വേഗതയുമായി താദാത്മ്യം പ്രാപിക്കാന് സാധിക്കും. എതിരെ പന്തെറിയുന്നവര് ചില്ലറക്കാരല്ലെന്ന തിരിച്ചറിവ് വേണം. അവരിലെ പ്രതിഭയെ ബഹുമാനിക്കുക, ജാഗ്രത കാണിക്കുക - ശാസ്ത്രി ഉപദേശിച്ചു. രണ്ടാം ടെസ്റ്റില് അര്ധസെഞ്ച്വറി നേടിക്കൊണ്ട് സച്ചിന് തന്റെ മനോധൈര്യം വീണ്ടെടുത്തു. സ്കോര് ചെയ്യുന്നതിനേക്കാള് രവി ശാസ്ത്രിയുടെ ഉപദേശം സ്വീകരിച്ച് കൂടുതല് സമയം ക്രീസില് ചെലവഴിക്കാനാണ് ശ്രമിച്ചത്. അത് ഫലം കണ്ടു. 59 റണ്സെടുത്താണ് സച്ചിന് മടങ്ങിയത്. ഈ ഇന്നിംഗ്സ് നല്കിയ ആത്മവിശ്വാസത്തിലാണ് സച്ചിന് തന്റെ കരിയറില് അസൂയാവഹമായ നേട്ടങ്ങളെല്ലാം വെട്ടിപ്പിടിച്ചത്.
സച്ചിന് തെണ്ടുല്ക്കര് തന്റെ ആദ്യ ടെസ്റ്റ് മത്സരം കളിക്കുന്നത് 1989 ലാണ്. ഇമ്രാന് ഖാനും വസിം അക്രമും വഖാര് യൂനിസും വിക്കറ്റിലേക്ക് വിഷം പുരട്ടിയ പന്തുകളെറിയുന്ന കാലം. വസിം അക്രവും വഖാറും എറിഞ്ഞ സ്വിംഗറുകള്ക്ക് മുന്നില് കോളേജ് കുമാരനായ സച്ചിനെ വിറച്ചു. അവരുടെ ഷോട് ബോളുകള് സച്ചിനെ ഭയചകിതനാക്കി. തട്ടിയും മുട്ടിയും നിന്ന യുവ ഇന്ത്യന് താരം പതിനഞ്ച് റണ്സെടുത്ത് മടങ്ങി.
ഡ്രസിംഗ് റൂമിലെത്തിയ സച്ചിന് നേരെ ബാത് റൂമിലേക്കാണ് പോയത്. മനസൊന്ന് വിങ്ങി. ഇത് തന്റെ അവസാന ടെസ്റ്റാകും എന്നുറപ്പിച്ചു. ഈ രീതിയില് കളിച്ചാല് ക്രിക്കറ്റില് ഏറെ കാലം പിടിച്ചു നില്ക്കാന് സാധിക്കില്ലെന്ന് സച്ചിന് ബോധ്യമായി. ഇത് മനസില് പറഞ്ഞു കൊണ്ടേയിരുന്നു. അന്ന് സച്ചിന് മാനസികമായി കരുത്തേകിയത് സീനിയര് താരം രവി ശാസ്ത്രിയായിരുന്നു. നിരാശ പങ്കു വെച്ചപ്പോള് ശാസ്ത്രി ചില ഉപദേശങ്ങള് നല്കി. അരമണിക്കൂര് ക്രീസില് പിടിച്ച് നില്ക്കാന് ശ്രമിക്കുക.
അപ്പോള് പേസര്മാരുടെ വേഗതയുമായി താദാത്മ്യം പ്രാപിക്കാന് സാധിക്കും. എതിരെ പന്തെറിയുന്നവര് ചില്ലറക്കാരല്ലെന്ന തിരിച്ചറിവ് വേണം. അവരിലെ പ്രതിഭയെ ബഹുമാനിക്കുക, ജാഗ്രത കാണിക്കുക - ശാസ്ത്രി ഉപദേശിച്ചു. രണ്ടാം ടെസ്റ്റില് അര്ധസെഞ്ച്വറി നേടിക്കൊണ്ട് സച്ചിന് തന്റെ മനോധൈര്യം വീണ്ടെടുത്തു. സ്കോര് ചെയ്യുന്നതിനേക്കാള് രവി ശാസ്ത്രിയുടെ ഉപദേശം സ്വീകരിച്ച് കൂടുതല് സമയം ക്രീസില് ചെലവഴിക്കാനാണ് ശ്രമിച്ചത്. അത് ഫലം കണ്ടു. 59 റണ്സെടുത്താണ് സച്ചിന് മടങ്ങിയത്. ഈ ഇന്നിംഗ്സ് നല്കിയ ആത്മവിശ്വാസത്തിലാണ് സച്ചിന് തന്റെ കരിയറില് അസൂയാവഹമായ നേട്ടങ്ങളെല്ലാം വെട്ടിപ്പിടിച്ചത്.