ദ്രാവിഡ് സ്ഥാനമൊഴിയുന്നു
2007ലെ ഇംഗ്ലണ്ട് പര്യടനത്തിനിടെയാണ് താൻ നായക സ്ഥാനം ഒഴിയാൻ ആഗ്രഹിക്കുന്നതായി രാഹുൽ ദ്രാവിഡ് തന്നോട് പറഞ്ഞതെന്ന് ശരദ് പവാർ പറഞ്ഞു. തൻെറ ബാറ്റിങിനെ നായകസ്ഥാനം വല്ലാതെ ബാധിച്ചിട്ടുണ്ട്. ബാറ്റിങിലെ മോശം ഫോമിന് കാരണം ക്യാപ്റ്റൻസിയുടെ ഉത്തരവാദിത്വമാണ്. തന്നെ മാറ്റി പുതിയൊരാളെ നായകനാക്കണമെന്നാണ് ദ്രാവിഡ് പവാറിനോട് ആവശ്യപ്പെട്ടത്.
പിന്നീട് സമീപിച്ചത് സച്ചിനെ
പ്രതിസന്ധി ഘട്ടത്തിൽ പവാർ സമീപിച്ചത് ഇതിഹാസതാരം സച്ചിൻ ടെണ്ടുൽക്കറെയാണ്. നേരത്തെ ഇന്ത്യൻ ടീമിനെ സച്ചിൻ നയിച്ചിരുന്നു. എന്നാൽ അത്ര ഗുണകരമായിരുന്നില്ല സച്ചിൻെറ ക്യാപ്റ്റൻസി. സച്ചിന് ശേഷമാണ് ഗാംഗുലി ഇന്ത്യൻ നായകനാവുന്നത്. "സച്ചിനോട് നായകസ്ഥാനം ഏറ്റെടുക്കനാണ് പിന്നീടാവശ്യപ്പെട്ടത്. എന്നാൽ അദ്ദേഹവും റോൾ ഏറ്റെടുക്കുന്നതിൽ വിയോജിക്കുകയായിരുന്നു," പവാർ പറഞ്ഞു.
ധോണി ക്യാപ്റ്റനായത് ഇങ്ങനെ
സച്ചിൻ തന്നെയാണ് മഹേന്ദ്ര സിങ് ധോണിയെ നായകനാക്കാൻ തന്നോട് ആവശ്യപ്പെട്ടതെന്ന് ശരദ് പവാർ പറഞ്ഞു. "ദ്രാവിഡും സച്ചിനും ക്യാപ്റ്റൻസി വേണ്ടെന്ന് വെക്കുമ്പോൾ പിന്നെ ആരെ നായകനാക്കുമെന്നാണ് സച്ചിനോട് ചോദിച്ചത്. എന്നാൽ സച്ചിൻെറ മനസ്സിൽ ഒരു മറുപടിയുണ്ടായിരുന്നു. അത് മറ്റാരുമല്ല... മഹേന്ദ്ര സിങ് ധോണി," ശരദ് പവാർ പറഞ്ഞു. ഇന്ത്യൻ ക്രിക്കറ്റിനെ അടിമുടി മാറ്റി മറിച്ച ഒരു തീരുമാനമായി പിന്നീടത് മാറിയെന്നത് ചരിത്രം.
( @sachin_rt Twitter)